ICANDELO 4
Ukumkani Wokuqala KaSirayeli Kuse Ekuthinjweni EBhabhiloni
USawule waba ngukumkani wokuqala wakwaSirayeli. Kodwa uYehova wamcekisa kwaza kwanyulwa uDavide ukuba abe ngukumkani esikhundleni sakhe. Sifumanisa izinto ezininzi ngoDavide. Ngoxa wayesengumfana walwa nengxilimbela enguGoliyati. Kamva wabaleka uKumkani uSawule owayenomona. Emva koko uAbhigali omhle wamnqanda ekwenzeni into yobudenge.
Emva koko, sifunda izinto ezininzi ngonyana kaDavide uSolomon, owangena esikhundleni sikaDavide njengokumkani wakwaSirayeli. Ngamnye kookumkani abathathu bokuqala bakwaSirayeli walawula iminyaka engama-40. Emva kokufa kukaSolomon, uSirayeli wahlulwa kubini, waba bubukumkani basentla nobasezantsi.
Ubukumkani basentla obuzizwe ezili-10 baqhuba iminyaka engama-257 ngaphambi kokutshatyalaliswa ngama-Asiriya. Emva kweminyaka eli-133, ubukumkani basezantsi bezizwe ezibini nabo batshatyalaliswa. Ngeli xesha amaSirayeli athinjelwa eBhabhiloni. Ngoko iCandelo LESINE ligubungela iminyaka engama-510 yembali yaye ebudeni belo xesha kwenzeka iziganeko ezininzi ezibangela umdla.
KWELI CANDELO
IBALI 56
USawule—Ukumkani Wokuqala KaSirayeli
Wakhethwa nguThixo kodwa waphela sele engasafunwa nguThixo, sinokufunda isifundo esibalulekileyo kuSawule.
IBALI 57
UThixo Unyula UDavide
Yintoni le uThixo ayibonayo kuDavide, engabonwayo ngumprofeti uSamuweli?
IBALI 58
UDavide NoGoliyati
UDavide walwa noGoliyati, hayi ngesilingi sakhe nje, kodwa ngesixhobo esinamandla amakhulu
IBALI 59
Isizathu Sokuba UDavide Abaleke
Ekuqaleni uSawule wayemthanda uDavide, kodwa ekugqibeleni wayefuna ukumbulala. Kwakutheni?
IBALI 60
UAbhigali NoDavide
UAbhigali uthi umyeni wakhe sisidenge, kodwa loo nto isindisa kwalo myeni—kodwa okwexeshana.
IBALI 61
UDavide Umiselwa Njengokumkani
UDavide ubonisa ukuba uyakufanelekela ukuba ngukumkani wakwaSirayeli ngezinto azenzayo nangafuniyo ukuzenza.
IBALI 62
Iingxaki Endlwini KaDavide
Ngento engalunganga nje enye awayenzayo, uDavide wabangela ukuba yena nentsapho yakhe behlelwe bububi kangangeminyaka.
IBALI 64
USolomon Wakha Itempile
Nakuba wayesisilumko, uSolomon weyeliselwa ekwenzeni into ebubudenge.
IBALI 65
Ubukumkani Buyahlukana
Eqala nje ukulawula uYerobhoham, ubangela ukuba abantu baphule umthetho kaThixo.
IBALI 67
UYehoshafati Uthembela KuYehova
Kwakutheni ukuze umkhosi uye emfazweni ukhokelwa ziimvumi ezingaxhobanga?
IBALI 68
Amakhwenkwe Amabini Awavuswayo
Ngaba umntu ofileyo abavuswa aphinde aphile? Yakha yenzeka loo nto!
IBALI 69
Intombazana Inceda Igorha
Yaba nesibindi sokuthetha, nto leyo eyabangela kwenzeke ummangaliso.
IBALI 72
UThixo Unceda UKumkani UHezekiya
Ngobusuku nje obunye ingelosi ibulala amajoni aseasiriya ayi-185 000.
IBALI 73
Ukumkani Wokugqibela Olungileyo KwaSirayeli
Xa wayengaphantsi nje kwiminyaka yee-20, uYosiya waba nesibindi.
IBALI 74
Indoda Engoyikiyo
UYeremiya wayecinga ukuba mncinci kakhulu ukuba abe ngumprofeti, kodwa uThixo wayesazi ukuba angakwazi ukuprofeta.
IBALI 75
Abafana Abane EBhabhiloni
Aba bafana bane zange bayeke ukwenza ukuthanda kukaThixo ngoxa babengahlali neentsapho zabo.
IBALI 76
Ukutshatyalaliswa KweYerusalem
Kwakutheni ukuze uThixo avumele iintshaba zamaSirayeli, amaBhabhiloni atshabalalise iYerusalem?
