Fizaran̈a 4

Rango Tamin’Ampanjakan’Israely Voanalohany Zisk’amy Figadran̈a ta Babylona

Saoly, ampanjakan’Israely voanalohany. Izy koa fa tsy nan̈eky Jehovah, Davida nifidin̈y ampanjaka hisolo izy. Atsika mbala hahita raha maro mikasiky Davida io. Tamin’izy tanora, niady tamy lelahy befatiarin̈y, Goliata an̈arany. Tafaran’izen̈y, ampanjaka Saoly nafana fô izy, ke izy nilefa. Baka iô, nisy man̈angy tsara, Abigaila an̈arany, nanakana izy han̈ano hadalan̈a.

Atsika koa hianatra raha maro mikasiky zanaka Davida lelahy. Solomona an̈arany. Izy ampanjakan’Israely nisolo babany. Ampanjaka telo voanalohany tamin’Israely samy nanjaka 40 taon̈o aby. Solomona koa fa naty, fanjakan̈an’Israely nirasa aroe, araiky fanjakan̈a avaratra, araiky atsimo.

Nahadin̈y 257 taon̈o fanjakan̈a folon’avaratra, talohan’ny nandravan̈an’Asyrianin̈y izy. Ravan̈a koa fanjakan̈a aroe atsimo, 133 taon̈o tafaran’izen̈y. Tamin’andra zen̈y, Israelita aby io gadra ta Babylona. Ke Fizaran̈a FAHEFATRA ty mitantara raha mampangitakitaka nahazo Israelita aby io, tan̈atin’ny 510 taon̈o.