MBALI 4
Mwenye Jwandanda jwa Ayisalayeli Mpaka Ukapolo wa ku Babelo
Sauli ŵaliji mwenye jwandanda jwa Ayisalayeli. Nambo Yehofa nganamkunda kuti ajendelecele kuŵa mwenye, kaneko Daudi ŵasagwilwe kuŵa mwenye mmalo mwa Sauli. Citulole yindu yejinji yakwamba Daudi. Ali mcanda ŵamputile nikumgomeka mundu jwamacili lina lyakwe Goliyati. Kaneko ŵatisile, ligongo Mwenye Sauli ŵamtendelaga jelasi. Kanekosoni Abigayeli jwamkongwe jwakusalala ŵamlekasisye Daudi kuti akatenda yindu yakuloŵela.
Kaneko, citulijiganye yindu yejinji yakwamba mwanace jwa Daudi lina lyakwe Solomoni, juŵaliji mwenye jwa Ayisalayeli mmalo mwa Daudi. Acayimwene ŵatatu ŵaŵalamulile Ayisalayeli kundanda, jwalijose ŵalamulile kwa yaka 40. Paŵawile Solomoni, Ayisalayeli ŵagaŵice nikuŵa makuga gaŵili ga ucimwene, ucimwene wa kumpoto, soni ucimwene wa kummwela.
Ucimwene wa kumpoto wawakwete mitundu 10, watemi yaka 257 mkaniwujonanjikwe ni Asuli. Pali papite yaka 133, ucimwene wa kummwela wa mitundu 2 nombe nawo wajonanjikwe. Pandaŵiji, Ayisalayeli ŵakamwilwe ukapolo ni kwawula nawo ku Babelo. MBALI 4 jikutagulila yindu yayatendekwe, mu yaka 510, mu yakayi yindu yakusangalasya yejinji yikutendekwa.
MU MBALI AJI
NGANI 56
Sauli, Mwenye Jwandanda Jwa Ayisalayeli
Pandanda Mlungu ŵamsagwile Sauli nambo kaneko ŵamkanile. Yayamtendecele Sauliyi yikutupa lijiganyo lyakusosekwa mnope.
NGANI 58
Daudi ni Goliyati
Daudi ŵagomece Goliyati ngaŵa ni lukonji lwakwe lwa kuponyela magangape, nambo ni upanga wamacili mnope.
NGANI 59
Ligongo Lyakwe Daudi Akusosekwa Kutila
Sauli pandanda ŵasangalele ni Daudi, nambo kaneko jwatandite kumtendela jelasi Daudi. Ligongo cici?
NGANI 60
Abigayeli ni Daudi
Abigayeli ŵakolasile ŵamkwakwe kuti ali ŵakuloŵela. Nambope yeleyi yakulupusye umi wa ŵamkwakwewo.
NGANI 61
Daudi Akuŵa Mwenye
Daudi ŵalosisye kuti ŵasagulidwe kuŵa mwenye jwa Ayisalayeli mu yindu yaŵatendaga soni yaŵakanile kutenda.
NGANI 62
Yakusawusya mu Liŵasa lya Daudi
Daudi paŵagambile kutenda cakulemwa cimpepe, jwaliyikacisye yakusawusya jika soni ku liŵasa kwa yaka yamsogolo.
NGANI 63
Solomoni, Mwenye Jwalunda
Ana yisyene kuti Solomoni ŵasosekwaga kumkapanya mwanacejo mbali siŵili?
NGANI 64
Solomoni Akutaŵa Nyumba Jakulambilila
Atamose kuti jwakwete lunda, Solomoni ŵamkanganicisye kutenda yindu yakuloŵela soni yakusakala.
NGANI 65
Ucimwene Ukugaŵikana
Yelobowamu paŵagambile kutanda kulamulila, ŵalongolele ŵandu kasa malamusi ga Mlungu.
NGANI 67
Yehosafati Akukulupilila Yehofa
Ligongo cici asilikali akwawula ku ngondo mwakulongoleledwa ni ŵakwimba ŵanganajigala mapanga?
NGANI 68
Acanda Ŵaŵili Ŵaŵajimwice ku Ŵawe
Ana mundu jwam’we mpaka aŵesoni ni umi? Yeleyi ni yayatendekwe munyumamu
NGANI 69
Mwali Akumkamucisya Mundu Jwaulamusi
Mwali jwa ku Yisalayeli jwalosisye kulimba mtima paŵaŵecete ni Namani, nambo yakuyicisya yaliji yakusimonjesya.
NGANI 71
Mlungu Akupeleka Cilangano ca Paladaiso
Paladaiso jwandanda jwaliji jwamwana, nambo jwakuyikaju caciŵa pa cilambo cosope.
NGANI 72
Mlungu Akumkamucisya Mwenye Hesekiya
Cilo cimo lilayika lyawuleje Asilikali ŵa Asuli ŵakwana 185,000.
NGANI 74
Mundu Jwangali Woga
Yelemiya jwaganisyaga kuti ali mwanace mwamti nganaŵa aŵele jwakulocesya, nambo Mlungu ŵamanyililaga kuti Yelemiya mpaka akombole.
NGANI 75
Acanda Mcece ku Babelo
Jemanjaji ŵapite ku Babelo mwangasamala kandu kuti calekangane ni acinangolo ŵawo.
NGANI 76
Yelusalemu Akonasika
Ligongo cici Mlungu ŵakundile acimmagongo ŵa Ayisalayeli konanga Yelusalemu?
