Ingxenye 4
Inkosi Yokuqala Kwa-Israyeli Kuya Ekuthunjweni EBhabhiloni
USawule waba yinkosi yokuqala kwa-Israyeli. Kodwa uJehova akamthandanga, kwakhethwa uDavide ukuba abe yinkosi esikhundleni sakhe. Sithola izinto eziningi ngoDavide. Esemusha, walwa nomdondoshiya onguGoliyati. Kamuva wabalekela inkosi enomona uSawule. U-Abhigayili omuhle wamvimba ekwenzeni into yobuphukuphuku.
Ngokulandelayo, sifunda izinto eziningi ngendodana kaDavide uSolomoni, eyathatha isikhundla sikaDavide njengenkosi kwa-Israyeli. Ngayinye emakhosini okuqala amathathu kwa-Israyeli yabusa iminyaka engama-40. Ngemva kokufa kukaSolomoni, u-Israyeli wahlukaniselwa emibusweni emibili, umbuso wasenyakatho nowaseningizimu.
Umbuso wasenyakatho wezizwe eziyishumi waqhubeka iminyaka engama-257 ngaphambi kokuba ubhujiswe ngabase-Asiriya. Khona-ke eminyakeni eyi-133 kamuva, umbuso waseningizimu wezizwe ezimbili nawo wabhujiswa. Ngalesi sikhathi ama-Israyeli athunjelwa eBhabhiloni. Ngakho-ke iNgxenye YESINE ihlanganisa iminyaka engama-510 yomlando, okwathi phakathi naleso sikhathi kwaba nezenzakalo eziningi ezivusa amadlingozi.
KULE NGXENYE
INDABA 56
USawule—Inkosi Yokuqala Kwa-Israyeli
Njengoba uNkulunkulu aqale akhetha uSawule kamuva waphinde wamlahla, uSawule angasifundisa isifundo esibalulekile.
INDABA 57
UNkulunkulu Ukhetha UDavide
Yini le uNkulunkulu ayibona kuDavide, umprofethi uSamuweli angayiboni?
INDABA 58
UDavide NoGoliyati
UDavide walwa noGoliyati, hhayi nje kuphela ngendwayimane kodwa ngesikhali esinamandla amakhulu.
INDABA 59
Okwenza UDavide Abaleke
Ekuqaleni uSawule wayemthanda uDavide kodwa kamuva waba nomhawu waze wafisa ngisho nokumbulala. Kungani?
INDABA 60
U-Abhigayili NoDavide
U-Abhigayili ubiza umyeni wakhe ngesiphukuphuku, kodwa lokho kuyamsindisa—okwesikhashana.
INDABA 61
UDavide Uba Inkosi
UDavide uyabonisa ukuthi uyakufanelekela ukuba inkosi yakwa-Israyeli kokubili ngalokho akwenzayo kanye nalokho enqaba ukukwenza.
INDABA 62
Umuzi KaDavide Enkathazweni
Ngephutha elilodwa nje, uDavide wenza yena nomndeni wakhe babhekane nezinsizi iminyaka eminingi.
INDABA 64
USolomoni Wakha Ithempeli
Nakuba uSolomoni ayehlakaniphe kakhulu, wayengelwa ukuba enze into ewubuwula nengafanele.
INDABA 65
Umbuso Uyehlukana
Ngemva nje kokuba uJerobowamu eqale ukubusa, wenza abantu ukuba baphule umthetho kaNkulunkulu.
INDABA 67
UJehoshafati Wethemba Inkosi
Kungani ibutho lingaya empini liholwa abahlabeleli abangahlomile?
INDABA 69
Intombazane Isiza Induna
Waba nesibindi sokukhuluma, lokho kwaphumela ekwenziweni kwesimangaliso.
INDABA 70
UJona Nenhlanzi Enkulu
UJona ufunda isifundo esibalulekile sokwenza lokho uJehova akushoyo.
INDABA 71
UJehova Uthembisa Ipharadesi
Ipharadesi lokuqala lalilincane; leli lizogcwala umhlaba wonke.
INDABA 72
UJehova Usiza UHezekiya
Ngobusuku obubodwa ingelosi yabulala amasosha ase-Asiriya angu-185,000.
INDABA 73
Inkosi Yokugcina Enhle
Esemusha, uJosiya wathatha isinyathelo esibonisa ukuthi unesibindi.
INDABA 74
Indoda Engesabi
UJeremiya wayecabanga ukuthi usemncane kakhulu ukuthi angaba umprofethi, kodwa uNkulunkulu wayazi ukuthi uJeremiya angakwazi.
INDABA 76
IJerusalema Liyabhujiswa
Kungani uNkulunkulu evumela izitha zama-Israyeli, abaseBhabhiloni ukuba bachithe iJerusalema?
