LE FILISTEOʼOBOʼ taaloʼob tu kaʼatéen baʼateʼel yéetel u kaajil Israel. U óoxtúul sukuʼunoʼob Davideʼ soldadoʼob tiʼ Saúl. Le oʼolaleʼ, upʼéel u kʼiinileʼ Isaieʼ tiaʼalaj tiʼ David: Bis u yoʼoch a sukuʼunoʼob. Ilawil xan bix u bintiʼob.

Ka kʼuch David teʼ tuʼux yaan le soldadoʼoboʼ, bin áalkabil u kaxt u sukuʼunoʼob. Teʼ súutuk jeʼeloʼ utúul nuxiʼi filisteo, u kʼaabaʼ Goliateʼ, jóokʼ u pʼaʼast le israelitaʼoboʼ. Tsʼoʼok cuarenta kʼiinoʼob káajak u beetik bey sáamsamaloʼ, utiaʼal u sáastal yéetel utiaʼal u yáakʼabtal. Ku yawtik: Yéeyeʼex utúul máak baʼateʼel tin wéetel. Wa tu kíimseneʼ, toʼoneʼ k-beetikba a palitsileʼex, baʼaleʼ wa tin kíimseʼ teʼex ken k-palitsilteʼex. Le oʼolal kin waʼalikteʼex ka yéeyeʼex utúul máak baʼateʼel tin wéetel.

David túuneʼ tu kʼáataj tiʼe soldadoʼoboʼ: ¿Baʼax kun tsʼaabil tiʼ le máax kun kíimsik le filisteo utiaʼal ka xuʼuluk u pʼaʼastik u kaajil Israeloʼ?

Utúul soldadoeʼ tiaʼalaj: Yaan u tsʼaʼabal yaʼab ayikʼalil tiʼ tumen Saúl. Yaan xan u tsʼoʼoksik u beel yéetel utúul u x-chʼupul paal.

Baʼaleʼ tuláakal le israelitaʼob kaʼachoʼ saajkoʼob tiʼ Goliat tumen jach táaj nojoch. Yaan óoliʼ óoxpʼéel metro tiʼ, ku tsʼoʼoleʼ yaan utúul soldado kuchmai u escudo.

Jujuntúul soldadoʼobeʼ bin u yaʼaloʼob tiʼ Saúl taak u bin David baʼateʼel yéetel Goliat. Baʼaleʼ Sauleʼ tiaʼalaj tiʼ David: Maʼ ta tsaʼayal yéetel. Chéen utúul paalech, Goliateʼ úuch káajak u beetik u soldadoi. Davideʼ tiaʼalajtiʼ: Teneʼ tin kíimsaj utúul oso yéetel utúul león tu bisoʼob u taman in taata. Jeʼex tsʼoʼokik tiʼ le baʼalcheʼobaʼ bey xan kun tsʼoʼokol tiʼe filisteoaʼ. Tumen Jéeoba kun áantken. Le ka tu yuʼubaj Saúl lelaʼ ka tiaʼalajtiʼ: Xeen, Jéeoba bíin áantkech.

David túuneʼ bin tu jáal upʼéel áalkab jaʼeʼ ka tu yéeyaj cinco mejen tuunich wóolistak, ka tu tsʼáaj tu chan sáabukaan. Ka tu chʼaʼaj u yúuntuneʼ ka bin baʼateʼel yéetel le nuxiʼi máakoʼ. Baʼaleʼ Goliateʼ chéen báaxlil úuchik u chʼaʼik tumen ku tuklikeʼ jach chéen chʼaʼabil kaʼach ken u kíimsil David.

Goliat túuneʼ tiaʼalajtiʼ: Koʼoten wayeʼ ka in tsʼáaj a bakʼel utiaʼal u tséentikuba le chʼíichʼoʼob yéetel le baʼalcheʼoboʼ. David túuneʼ tiaʼalajtiʼ: Techeʼ a chʼaʼamaj a táatsʼ máaskab, a lóomteʼ yéetel a jabalina utiaʼal a baʼateʼel tin wéetel, baʼaleʼ teneʼ yéetel u kʼaabaʼ Jéeoba kin taal baʼateʼel ta wéetel. Teʼ kʼiinaʼ Jéeobaeʼ yaan u kʼubkech tin kʼab utiaʼal ka in kíimsech.

David túuneʼ bin áalkabil tu tojil Goliat. Tu yoksaj u kʼab tu sáabukaaneʼ ka tu jóoʼsaj upʼéel tuunich, ka tu tsʼáaj tu yúuntun, tsʼoʼoleʼ ka tu chʼinaj Goliat yéetel tuláakal u muukʼ. ¡Le tuunich túunoʼ chʼíik tu táan joʼolal Goliat, letiʼ túuneʼ ka nojkʼajeʼ kimen yanil! Le filisteoʼoboʼ púutsʼoʼob le ka tu yiloʼob tsʼoʼok u kíimil le máax jach maʼatech u chʼaʼik saajkil baʼateʼel ichiloʼoboʼ. Le israelitaʼoboʼ tu chʼaʼapachtoʼob le filisteoʼoboʼ, ka túun tu ganartoʼob le baʼateloʼ.