Tantara 59

Ino ty Antone Nilaìsan’i Davida?

TAFARA’TY namonoan’i Davida an’i Goliata, le nandesin’i Abnera filoha’ty tafik’Israely ho amin’i Saoly ane ie. Tean’i Saoly ty raha nataon’i Davida, ka le nataone filoha’ty tafine Davida, sady napetrane tamy trano-mpanjaka tao.

Laha fa baka naharesy ty Filistina ty tafik’Israely, tafara atoy, le niarake nihira ty ampela hoe: ‘Nahafaty olo arivoarivo Saoly, fa ty an’i Davida alinaly.’ Nialo an’i Davida Saoly, satria hita tamy hira nataon’olo reo, fa Davida ro tean’olo mandilatse an’i Saoly. Fe tsy nialo an’i Davida, Jonatana, anake lahin’i Saoly. Mifankatea biby Jonatana noho Davida. Ka, nifaneke roze roe lahy, fa ho mpinama avao zisiky am-parane.

Mahay mititike harpa Davida, ka tean’i Saoly bibike ty feo’ty moziky titìhine. Nihalan’i Saoly maré Davida, ka nitarike an’i Saoly hamono an’i Davida raha zay. Tamin’i Davida nititike harpa, le nalàn’i Saoly ty lefone ka natorane an’i Davida, sady nivòla ie hoe: ‘Hofantsìhiko amy rindry eo Davida!’ Fe nihorìra Davida, ka tsy nahavoa aze lefon’i Saoly iny. Mbo tsy nahavoa an’i Davida avao lefo iny, tafara atoy. Hain’i Davida henany zao, fa mila miamby soa ie tsy no ho maty avao.

Tiaronao va safà nampitamànin’i Saoly iny? Nivòla ie, fa hameane ho vali’ty anak’ampelane ze lahilahy mahafaty an’i Goliata. Nivòla tamin’i Davida Saoly tamy farane, fa afake manambaly an’i Mikala, anak’ampelane iny Davida. Fe mila mamono Filistina 100 tseky Davida. Eritsereto soa moa! Nitamà Saoly fa hahafaty an’i Davida Filistina reo. Fe tsy zay ty raha niseho. Ka le namean’i Saoly ho valin’i Davida avao anak’ampelane iny.

Ndraike andro Saoly, le nivòla tamin’i Jonatana noho ty miaramilane, fa teane hovonòa Davida. Fe hoy ty asan’i Jonatana, tamy babane hoe: ‘Ka mampijaly an’i Davida iha. Mbo tsy nanao raha raty anao mihitsy ie, fa nanampy anao avao bakany bakany zay. Mba henteo soa tamin’i Davida namono an’i Goliata iny, ndra fa hainy fa hahafaty aze aza raha zay, le mbo nialy tamin’i Goliata avao ie. Nifalifale bibike iha, laha fa naharesy ie.’

Nijànjy an’i Jonatana soa Saoly, ka nampitamà aze fa tsy hampijaly an’i Davida sasy. Nimpòly tamin’i Saoly tao ndraike Davida, ka nanompo aze manahake ty taloha. Fe ndraike andro, laha fa nititike moziky Davida, le natoran’i Saoly aze ndraike lefone iny. Nihorìra Davida, ka tsy nahavoa aze lefo iny fa nitsatoke tamy rindry teo. Fa fanintelone zay! Hain’i Davida henany zao, fa tokone hiala bakeo ie, ka hilay!

Nandeha tan-tranone tany Davida, tamy halike io avao. Fe, nandefa lahilahy maromaro hamono aze Saoly. Nihain’i Mikala raha hatao babane io, ka nivòla tamin’i Davida ie hoe: ‘Laha tsy miala eto iha androany haly, le ho maty hamaray.’ Nampian’i Mikala Davida, ka tamy halike iny avao, le novolànine ie hitsambòka tamy lafonetin-droze teo. Nivòny an’i Saoly Davida, ka nifindrafindra tan-tany hafa tany ie tanaty fito tao. Tsy afake nahita aze sasy Saoly.

1 Samoela 18:1-30; 19:1-18.