DAVIDA tawk tura lo kal hmeichhe hmel tha deuh hi i hria em? A hming chu Abigaili a ni. A rilru a tha a, Davida thil tha lo tihna a dal a. Mahse chu mi chanchin kan zir hmain, Davida chungah enge thleng i en ang u.

Saula hnen atanga Davida a tlan bo hnuah, pukah a biru a. Chutah chuan a unaute leh a chhungte dangin an fin a. A hnenah mipa 400 vel an lo kal a, Davida chu an hriautu a ni a. Tin Davida chu Moab lal hnenah a kal a: ‘Ka chungah enge thleng tih ka hriat hmaloh chuan, khawngaih takin ka nu leh ka pa hi i hnenah chentir ta che,’ a ti a. A hnuah Davida leh a mite chu tlangah an biru a.

Chu mi hnuah chuan Davidan Abigaili a hmu a. A pasal Nabala chu ram neitu mi hausa a ni. Beram 3,000 leh kel 1,000 a nei a. Nabala chu mi kawm deuh a ni a. Mahse a nupui Abigaili chu a hmeltha em em a. Thil dik tih dan pawh a hria a. Vawi khat chu a chhungkua pawh a chhandam a. A chhandam dan i en ang u.

Davida leh a mite chu Nabala chungah ngil an nei a. A beram an humhimpui tawh a. Chuvangin ni khat chu Davidan a mite thenkhat Nabala duhsakna ngen turin a tir a. Davida mite chu Nabala leh amah puituten beram hmul an meh laiin Nabala hnenah an lo thleng a. Ruai theh ni a ni a, Nabala chuan ei tur tha tam tak a nei a. Tichuan Davida mite chuan hei hi an sawi a: ‘I chungah ngil kan nei tawh a. I beram pakhat mah kan ru lo va, kan venpui zawk che a. Tunah khawngaih takin, chaw tlem azawng min pe ta che,’ tiin.

Nabala chuan: ‘Nangni ang mite hnenah ka chaw ka pe dawn lo,’ a ti a. Ui deuhvin a tawng a, Davida chanchin tha lo tak takin a sawi a. Mite chu an kir leh a, Davida an hrilhin Davida thin a ur ta em em a. ‘ln khandaih keng rawh u,’ tiin a mite a hrilh a. Nabala leh a mite tihlum turin an chhuak a.

Nabala thu sual sawi hretu Nabala mite zinga pakhatin thil awm dan chu Abigaili a hrilh a. Abigaili chuan chaw thenkhat a siam peih nghal a. Sabengtung thenkhat a phurhtir a, a kal ta a. Davida a tawh ve leh, sabengtung atangin a chhuk a, kunin: ‘Khawngaih takin, ka pu, ka pasal Nabala ngaihsak suh. Mi a a ni a, thil atthlak a ti thin. Heta hi thilpek. Khawngaih takin la la, thil lo ni tawhah chuan min ngaidam ang che,’ a ti a.

Davidan: ‘Hmeichhe fing i ni. A sualna thungrulhnaa Nabala tihhlumna turah mi dang si. Tunah remnain haw rawh,’ a ti a. A hnuah Nabala thih veleh Abigaili chu Davida nupui a lo ni a.