62-нҗи хекая

Давудың өйүндәки бетбагтлык

ДАВУТ Иерусалимде патышалык эденде, Ехованың көмеги билен душманларыны бирнәче гезек еңйәр. Ехова ысрайыллылара Кенган юрдуны бермеги вада берипди. Ине, инди олар Ехованың көмеги билен вада эдилен ере эе болдулар.

Давут говы хөкүмдарды. Ол Ехованы сөййәрди. Шонуң үчин ол Иерусалиме, илки билен, Ехованың әхт сандыгыны гечирйәр. Шейле хем сандык үчин ыбадатхана гурмак ислейәр.

Арадан бирнәче йыл геченде, Давут агыр гүнә эдйәр. Ол кишиниң задына дегмели дәлдигини билйәрди. Бир гүн агшам ол көшгүнден овадан аялы гөрйәр. Онуң ады Бетшебан. Ол Давудың гошунындакы Урия атлы эсгериң аялыды.

Давут Бетшебан билен ятмак исләп, оны көшге гетирдйәр. Шол вагт Бетшебаның адамсы урушдады. Давут Бетшебан билен сөйүшйәр, соңра Бетшебан гөврели боляр. Муны эшиден Давут гаты ховсала дүшүп, Ёаб атлы гошунбаша хат иберйәр. Ол хатында Урия өлер ялы, оны сөвешиң ховплы еринде гоймагы буюряр. Шол сөвешде Урия өлйәр. Давут болса Бетшебана өйленйәр.

Ехова Давуда гаты гахарланяр. Ехова онуң эден гүнәсини айтмак үчин Натан пыгамбери иберйәр. Онуң Давут билен гүрлешишине серет. Давут эден ишине гынаняр, шонуң үчин Ехова оны өлдүрмейәр. Эмма Ехова оңа: «Шу эрбет ишлери эдениң үчин өйүңде көп бетбагтлык болар» диййәр. Давудың өйүнде, гөр, нәче бетбагтлык болды!

Башда Бетшебаның оглы өлйәр. Соңра Давудың илкинҗи оглы Амнон уясы Тамар билен екеликде галып, оны зорлаяр. Давудың Абшалом атлы оглы муңа гахарланып, Амноны өлдүрйәр. Соңра Абшалом көп адамларың гөвнүнден туруп, олара патыша боляр. Абшалом билен болан сөвешде, Давут ахыры еңйәр. Абшаломы болса өлдүрйәрлер. Хава, шейдип Давут көп кынчылык гөрйәр.

Шол вагтлар Бетшебаның ене-де бир оглы боляр. Онуң адына Сүлейман дакярлар. Хачан-да Давут гаррап кеселләнде, Адония атлы оглы патыша болҗак боляр. Шонда Давут Сүлейманың патыша болмалыдыгыны гөркезмек үчин Задок атлы рухана онуң башына яг гуймагы буюряр. Давут 70 яшында арадан чыкяр. Давут Ысрайылда 40 йыл патышалык эдйәр, соңра болса Сүлейман патыша боляр.

2 Патышалар 11:1—27; 12:1—18; 3 Патышалар 1:1—48.