KU TSʼOʼOKOL u kíimil rey Jeroboameʼ, le reyoʼob gobernart le diez chʼiʼibaloʼob tiʼ Israeloʼ, láaj kʼasaʼanoʼob. U maas kʼasaʼanileʼ rey Acab. ¿A wojel wa baʼaxten? Yoʼolal u yatan, utúul reina jach kʼasaʼan ku kʼaabaʼtik Jezabel.

Jezabeleʼ maʼ x-israelitaiʼ. U taataeʼ tu kaajil Sidón ku beetik u reyil. Jezabeleʼ, ku adorartik Baal, utúul maʼ jaajil diosiʼ, ku beetik xan u adorartaʼal tumen Acab bey xan tumen yaʼab israelitaʼob. Jezabeleʼ u pʼekmaj Jéeoba, le beetik ku kíimsik yaʼab tiʼ u profetaʼob. Uláakʼ profetaʼob xaneʼ ku taʼakkubaʼob tak ich sajkaboʼob yoʼolal maʼ u kíimsaʼaloʼob. Wa yaan baʼax u kʼáat Jezabeleʼ jeʼel tak u kíimsik máak utiaʼal ku tiaʼalinteʼ.

Upʼéel u kʼiinileʼ jach okʼom óolchaj rey Acab. Jezabel túuneʼ tu kʼáataj tiʼ: ¿Baʼaxten jach okʼom óolchajaʼanech?

Acabeʼ tu núukaj: Yoʼolal baʼax tiaʼalajten Nabot. Teneʼ taak kaʼach in manik u kúuchil u pakʼal uva. Baʼaleʼ letiʼeʼ maʼ tu yóotaj u konteniʼ.

Jezabel túuneʼ tiaʼalajtiʼ: Maʼ chiʼichnaktal. Teneʼ yaan in wilik a tiaʼalintik.

Jezabel túuneʼ tu túuxtaj tsʼíibil juʼunoʼob tiʼ u nuuktakil le noj kaaj tuʼux kajaʼan Nabotoʼ, ka tiaʼalaj: Kaxteʼex máakoʼob mix baʼal u beelaloʼob ka u yaʼaloʼob, Naboteʼ tsʼoʼok u jach tʼaan kʼaas tiʼ Dios bey xan tiʼ le reyoʼ. Ku tsʼoʼokoleʼ, ka jóoʼskeʼex teʼ paach kaaj a muruxtunteʼexoʼ.

Ka tu yojéeltaj Jezabel tsʼoʼok u kíimil Naboteʼ, ka tiaʼalaj tiʼ Acab: Beooraaʼ a tiaʼal u kúuchil u pakʼal uva Nabot. ¿Máasaʼ jach kʼaʼabéet u castigartaʼal Jezabel yoʼolal le baʼax jach kʼaas tu beetoʼ?

Le oʼolaleʼ, ku máan kʼiineʼ Jéeobaeʼ tu túuxtaj Jehú castigartik. Ka tu yuʼubaj Jezabel táan u taal Jehueʼ, tu bonaj yich utiaʼal ka ilaʼak jach kiʼichpam. Baʼaleʼ ka kʼuch Jehú ka tu yilaj kulik teʼ ventanaoʼ, ka tiaʼalaj tiʼe máakoʼob yaan tu yiknaloʼ: ¡Puleʼex kabal! Letiʼobeʼ ka tu puloʼob, jeʼex a wilik teʼ dibujoaʼ. Tu puloʼob teʼ luʼumoʼ, ka kíimi. Bey tsʼoʼokik tiʼe x-kʼasaʼan reina Jezabeloʼ.