QA MA kyim jun kʼwaʼl, ¿tiʼtzulo jaku tnaʼ (tnom) ttxuʼ qa ma jaw itzʼje juntl maj? ¡Nimla jaku tzalaj! ¿Jakupetzele chi jaw itzʼj juntl maj kyimne? ¿Opetzulo jaw itzʼjixe jun kyimni?

Kaʼyinka aju xinaq (ichin), ex ajo xuʼj ex aju tal kʼwal tkuʼx toj tilbʼilal. Aju xinq atzun Elíasju aju tsanjel Dios. Atzen xuʼj jun viudjo te Sarepta ex atzunju tal kʼwaʼl tal xuʼjjo. Pon jun qʼij jatumel tzaj nim tyabʼ tal kʼwaʼl, aju bʼiʼx kyim tuʼn. Tuʼntzunju, xi tqʼamaʼn Elías te xuʼj kyjalu: ‹Qʼontz tala tzalu wukʼile›.

Jax tiʼn Elías tal kʼwaʼl aju otaq kyim tuj kwart ex kubʼ tqʼoʼn twi watbʼil. Oktzen ten naʼl Dios kyjalu: ‹Aya nMan Jehová, in chin kubʼsane (xmejlune) twitza tuʼn tjaw itzʼje tal qʼa lu tuʼna›. ¡Ex jawtzun itzʼj tal qʼa! Kutztzan tiʼn Elías ex xi tmaʼn te tnan kyjaʼ: ‹¡Keʼyintza, aju tala ma jaw itzʼji juntl maj!› Nimxix jaw tzalaj xuʼj tuʼn jlu.

Attoq juntl tsanjel Jehová aju nimteq toklen Eliseo tbʼi. Aju in onintaq tiʼj Elías. Tej tbʼet ambʼil, ax ikx ajbʼen Eliseo tuʼn Jehová tuʼn tbʼent nim tiʼchaq tbʼanelxix. Jun maj, xiʼ tuj tnam Sunem, attoq jun xuʼj aju tbʼanilteq tukʼe Eliseo. Yajxitl ul itzʼje jun tal xuʼj lu.

Jun qʼij, tej otaq chʼiy chʼintl kʼwaʼl, xiʼ jatumel naqʼananteq tman toj kojbʼil. Naq minabʼen ok ten kʼwal ẍchʼil kyjalu: ‹¡Ay nwiʼye, nchyon nwiʼye wen!› Tej t-xi qʼiʼn kʼwaʼl tja, kyim. ¡Nim tbʼis txubʼaj tzaj tuʼn jlu! Xiʼnaj jyolte Eliseo.

Tej tpon Eliseo, okx toj kwart tukʼe tal qʼa aju otaq kyim. Ok ten qanil onbʼil te Jehová ex kubʼ koẍeʼ tibʼaj tal kʼwaʼl kyimni. Meqʼte naj (moqʼtinaj) t-ximlal tal kʼwaʼl, ex tzaj qʼajte toj ttxaʼn wuq maj. ¡Nimxix jaw tzalaj tnan tej tok tkiʼn otaq jaw itzʼj juntl maj tal!

Nimxix xjal o che kyim. Nim bʼisbʼajil o tzaj tuʼn jlu kyiʼj qejo tuj kyja ex kyiʼj qeju kyamiw. Melay che jaw itzʼji juntl maj kyimne quʼn. Atzunte Jehová jako bʼant tuʼn. Yajxitl kʼelel qnikʼ tiʼj qa nimxix xjal chi jawel itzʼj juntl maj tuʼn Jehová.