Historia 70

Jonás ne ti benda ngola

BIIYAʼ hombre nuu ndaaniʼ nisa ca. Guizáʼ feu modo nuube njaʼ. ¡Benda ca chigabi laabe! Ñee nannuʼ tu hombre ca la? Labe Jonás. Chiguidúʼyanu ximodo guyuu hombre riʼ lu stale guendanagana.

Jonás la? ti ni riguixhená stiʼ Jiobá laabe. Despué de guti Eliseo la? Jiobá gúdxibe Jonás: Guyé guidxi Nínive, purtiʼ ca guendaquéiquiiñeʼ stiʼ ca binni ca maʼ bidale cani, ne racalaʼdxeʼ gaʼbuʼ ni laacabe.

Peru Jonás qué naʼ diʼ cheʼ raqué. Nga runi, riguíʼbabe lu ti barcu ni cheʼ gadxé ladu. Jiobá qué riulaʼdxiʼ guxooñeʼ Jonás de ni cayábibe laa guni. Nga runi, rusábabe ti nisaguié roʼbaʼ ne ti bi yooxhoʼ. Guizáʼ nadipaʼ ni dede yaca guiaaziʼ barcu que. Ca hombre runi dxiiñaʼ lu barcu ca bidxíbicaʼ, ne bicaacaʼ ridxi dios sticaʼ para gacané laacaʼ.

Óraque na Jonás rabi laacabe: Naa runeʼ adorar Jiobá, Dios ni bizáʼ guibáʼ ne Guidxilayú. Cuxooñeʼ de ni gúdxibe naa guneʼ. Ca hombre que rinabadiidxacaʼ laabe: Xi naquiiñeʼ gúnidu lii ti ganda cuezadxí ni yaʼ.

Lagulaa naa ndaaniʼ nisadóʼ ca ne laani zabeezadxí ni na Jonás rabi laacabe. Ca hombre que, qué nádicaʼ gulaacaʼ laabe, peru ora ruuyacabe raca nisaguié que ne bi que jma nadipaʼ la? rulaacabe Jonás ndaaniʼ nisa que. Ne oraqueca ribezadxí nisaguié que ne nisadóʼ que guyuudxí.

Ora riaaziʼ Jonás ndaaniʼ nisa que la? ti benda ngola rabi laabe. Peru laabe qué rátidibe, pur chonna gubidxa ne chonna gueelaʼ riuube ndaaniʼ benda que. Jonás guizáʼ naná riuube pur qué nuzuubabe stiidxaʼ Jiobá, ne ñebe guidxi Nínive. Ngue runi nannuʼ xi rúnibe la?

Jonás riníʼnebe Jiobá ne rinábabe laa gacané laabe. Óraque Jiobá runi de que benda que guidxiʼbaʼ Jonás ra nabidxi. Despué la? Jonás riebe Nínive. Ñee qué rusiidiʼ ndiʼ laanu pabiáʼ naquiiñeʼ nga gúninu guiráʼ ni gabi Jiobá laanu la?

Libru stiʼ Jonás ni zeeda ndaaniʼ Biblia.