WALI sumarakisä, inas Diosax Isaiasar akham uñachtʼaychïna. Jonasax jakkän uka qhipat Isaías profetax jakäna.

Kusipachaxa “huerta” jan ukax “paraíso” sañwa muni. ¿Aka suma uraqix kuns amtaytamxa? Jïsa, Adanar Evar churkäna uka huertat amtaypachätamxa, ¿janichä? Ukampisa, ¿aka Uraqpachati ukhamäxaspa?

Diosan markapax kunjamsa jutïr suma uraqin utjasipxani uka tuqitwa Jehová Diosax Isaiasar qillqayatayna. Akham sasa: ‘Qamaqimpi uwijampix suman jakasipxani. Vaca qallumpi león qallumpix mawjanakwa manqʼasipxani, ukat wawanakaw awatini. Asiru jakʼan anatasir wawarus janiw asirux kuns kamachkaniti’ sasa.

‘Janiw ukhamäkaspati. Jan walinakax akapachan utjapunirïnwa, ukat utjaskakiniwa’ sapxaspawa. Ukampis amuytʼañäni, ¿Adanarus Evarus kunjam utjasiñsa Diosax churäna?

Adanarusa Evarusa Diosax mä suma uraqiruw uchäna. Jan istʼasirïpxatapatwa uka suma uraq aptʼawayapxi, ukatwa chuymankiptapxänsa jiwxapxarakïnsa. Kuntï Adanampi Evampix aptʼapkäna ukwa munasirinakajaru churäxa siw Diosaxa.

Jutïr suma uraqxa janiw khitis tukjkaniti. Taqi kunas sumankxaniwa. Taqiniw kʼumaräxapxani kʼuchïxapxani kunjamtï qalltan Diosax munkäna ukhama. Mayanwa yatxataskañäni kunjamsa Diosax uk lurani ukxa.