71-нҗи хекая

Худай Җеннети вада берйәр

ХУДАЙ Ишая пыгамбере суратдакы ялы Җеннети гөркезди. Ишая пыгамбер Юнус пыгамберден соң яшапды.

Җеннет — «баг» я-да «сейил багы» диймеги аңладяр. Ядыңдамы, шейле сураты биз шу китапда өңем гөрүпдик? Ол Ехованың Адам ата билен Хов энә берен аҗайып Җеннетине меңзәнокмы? Ер йүзүнде Җеннет болармыка?

Ехова Ишая пыгамбере халкына берҗек Җеннет барада шулары язмагы табшыряр: «Мөҗек билен гоюн биле яшар, гөле билен ёлбарс чагасы биле от иерлер, чагалар болса олары бакар. Чагалар хатда зәхерли йылан билен ойнасалар-да, зыян етмез».

Көп адамлар: «Хич хачан бейле зат болмаз. Кынчылыклар хемише-де барды. Олар асла гутармаз» диййәрлер. Йөне Худайың Адам ата билен Хов энәни ниреде ерлешдирени ядыңдамы?

Ехова олары Җеннетде ерлешдирипди. Олар Худая гулак асмады. Шол себәпли аҗайып өйүнден ковулдылар, соңра гаррап өлдүлер. Ехова Адам ата билен Хов энәниң йитирен затларыны Худайы сөййән адамлара берҗекдигини сөз берйәр.

Гелеҗекдәки Җеннетде хич бир зат зыян етирмез. Әхли ерде парахатчылык болар. Адамларың хеммеси сагдын хем багтлы болар. Бар зат Худайың башдакы ислейши ялы болар. Худайың муны нәдип этҗекдигини бираз соң билерис.

Ишая 11:6—9; Ылхам 21:3, 4.