¿AWOJEL wa baʼaxten táan u payalchiʼ le máak tiʼ Jéeobaaʼ? ¿Baʼaxten u jaymaj le tsʼíibil juʼunoʼob tu táan le altaroʼ? Le máakaʼ Ezequías. Letiʼ u reyil le kaʼapʼéel chʼiʼibaloʼob yaan tu noojol Israeloʼ. Letiʼeʼ tiaʼan ich yaʼabach talmileʼ. ¿Baʼaxten?

Tumen u soldadoiloʼob Asiriaeʼ tsʼoʼok u xuʼulskoʼob tiʼe diez chʼiʼibaloʼob yaan xamanoʼ. Jéeobaeʼ tu chaʼaj u xuʼulsaʼaltiʼob tumen jach kʼasaʼanoʼob. Beooraaʼ le asirioʼoboʼ tsʼoʼok u taaloʼob xan baʼateʼel yéetel u reinoi le kaʼapʼéel chʼiʼibaloʼoboʼ.

U reyil Asiriaeʼ táant u túuxtik le tsʼíibil juʼunoʼob tiʼ Ezequíasoʼ. Lelaʼ letiʼe u jaymaj rey Ezequías tu táan Diosoʼ. Teʼ tsʼíibil juʼunoʼobaʼ táan u pʼaʼastaʼal Jéeoba, yéetel táan u yaʼalaʼal tiʼ Ezequías ka u kʼububaj. Le oʼolal Ezequíaseʼ payalchiʼinaji: Áay Jéeoba, maʼ chaʼik k-lúubul tu kʼab u reyil Asiria. Bey túunoʼ, tuláakal nukuch kaajoʼobeʼ yaan u yojéelkoʼob chéen teech Diosech. ¿Yaan wa u yuʼubaʼal u payalchiʼ?

Ezequíaseʼ utúul utsul rey. Maʼ bey jeʼex le kʼasaʼan reyoʼob tiʼ u diez chʼiʼibaliloʼob Israeloʼ, maʼ xan bey jeʼex Acaz, u kʼasaʼan taataeʼ. Letiʼeʼ tsʼoʼok u yilik u beetik baʼax kiaʼalik u leyoʼob Jéeoba. Le oʼolal ka tsʼoʼok u payalchiʼeʼ, profeta Isaíaseʼ tu túuxtaj aʼalbil tiʼ baʼax kiaʼalik Jéeoba: U reyil Asiriaeʼ maʼ kun okol Jerusalén, mix xan utúul u soldadoʼob kun náatsʼliʼ yéetel mix upʼéel flecha ken u júulpultoʼobiʼ.

Ilawil le dibujoaʼ. ¿A wojel wa tuʼux u taal le soldadoʼob kimenoʼoboʼ? Asiria. Jéeobaeʼ tu túuxtaj u ángel, le ángel túunaʼ tu kíimsaj 185.000 soldadoʼob tiʼe áakʼab jeʼeloʼ. Le beetkeʼ, u reyil Asiriaeʼ suunaj tu kaajal.

U kajnáaliloʼob le kaʼapʼéel chʼiʼibaloʼ maʼ kíimsaʼaboʼobiʼ, tiʼ le kaaj túunoʼ anchaj jeetsʼelil ich tsʼeʼetsʼek kʼiinoʼob. Ka kíim Ezequíaseʼ, Manasés, u paal, kʼuch u beetuba reyil. Manasés yéetel Amón, u paaleʼ, jach kʼasaʼan reyoʼob. Le beetik teʼ luʼumoʼ sen yaʼabchaj u beetaʼal baʼaloʼob kʼaastakiʼ. Ka kíimsaʼab rey Amón tumen u j-meyajoʼobeʼ, Josías, u paal, káaj u gobernar yóokʼol le kaʼapʼéel chʼiʼibaloʼoboʼ.