Ngewa ya 74: Mũndũũme Ũte W’ĩa
KWASISYA andũ aa meũthekeea mwanake ũũ. Nĩwĩsĩ we nũũ? Ũũ nĩ Yelemia. Nĩ mwathani wa vata mũno wa Nga
O ĩvinda ĩkuvĩ ĩtina wa Mũsumbĩ Yosia kwambĩĩa kwananga mĩvw’anano kuma ĩ nthĩ, Yeova nĩweeie Yelemia atw’ĩke mwathani Wake. Yelemia asũanĩaa kana we nĩ mũnini mũno ndatonya kũtw’ĩka mwathani. Ĩndĩ Yeova amwĩa kana akamũtetheesya.
Yelemia nĩwamatavisye Aisilaeli maeke kwĩka maũndũ mathũku. We ameie: ‘Ngai ila ithaithawa nĩ andũ ma mbaĩ ingĩ nĩ sya ũvũngũ.’ Ĩndĩ Aisilaeli aingĩ monaa nĩ kavaa kũthaitha mĩvw’anano kwĩ kũthaitha Ngai ũla wa w’o Yeova. Yĩla Yelemia wamatavisye andũ kana Ngai akamasilĩla nũndũ wa ũthũku woo, mo mambĩĩe kũmũthekeea.
Na myaka yavĩta. Nake Yosia akw’a, na myai ĩtatũ ĩtina, mwana wake Yeoiakini atw’ĩka mũsumbĩ. Yelemia aendeeie o na kũtavya andũ aimea: ‘Yelusaleme ĩkaanangwa kethĩwa mũikwenda kũalyũa mĩendele yenyu mĩthũku.’ Namo athembi mamũkwata na maneena na wasya mũnene mayasya: ‘We waĩlĩte kũawa nũndũ wa kũneena maũndũ aa.’ Na ĩndĩ matavya anene ma Isilaeli mayasya: ‘Yelemia aĩlĩte kũawa nũndũ aneenete maũndũ mathũku ĩũlũ wa ndũa yitũ.’
Yelemia eekie ata? We ndaĩ na w’ĩa! Amatavisye onthe ũũ: ‘Yeova nĩwe ũndũmĩte nĩneene maũndũ aa onthe. Ethĩwa mũikũalyũla mĩendele yenyu mĩthũku, Yeova akaananga Yelusaleme. Ĩndĩ manyai w’o ki atĩĩ: Ethĩwa nĩmũũmbũaa, mwĩĩthĩwa mũyũaa mũndũ ũtekĩte ũthũku.’
Anene nĩmaekie Yelemia ekale thayũ, ĩndĩ Aislaeli mayaaalyũla mĩkalĩle yoo mĩthũku. Ĩtina Nevukatilesa, mũsumbĩ wa Mbaviloni, nĩwookie kũkita na Yelusaleme. Na ĩtina vyũ Nevukatilesa atw’a Aisilaeli athũkũmi make na akua ngili mbingĩ syoo atwaa Mbaviloni. Kwatata kũsuanĩa kũtonya kwĩthĩwa kũilyĩ ata ũkakuwa nĩ andũ ũtesĩ kuma mũsyĩ kwenyu na maikũtwaa nthĩ ũtamĩsĩ!
Yelemia 1:1-8; 10:1-5; 26:1-16; 2 Asumbĩ 24:1-17.
Makũlyo
- Mwanake ũũ wĩ vaa visanĩ nũũ?
- Yelemia asũanĩie ata ĩũlũ wa kũtw’ĩka mwathani, ĩndĩ Yeova amwĩie ata?
- Nĩ ũvoo mwaũ Yelemia waendeeie na kũtavya andũ?
- Athembi matatie ata kũũngamya wĩa wa Yelemia, nake
- Kweethĩiwe ata Aisilaeli malea kũalyũla miendele yoo mĩthũku?
Makũlyo ma kwongeleela
- Soma Yelemia 1:1-8.
O tondũ ngelekany’o ya Yelemia ĩkwonany’a, nĩ kyaũ kĩtonya kũtuma mũndũ aĩla kũtethya wĩa wa Yeova? (2 Ako. 3:5, 6)
Ngelekany’o ya Yelemia yĩmongela vinya ata andũ ma mũika ũmũnthĩ? (Mũta. 12:1; 1 Tim. 4:12)
- Soma Yelemia 10:1-5.
Nĩ ngelekany’o myaũ yĩna vinya mũno Yelemia watũmĩie ya kwonany’a kana kwĩkwatya mĩvw’anano no wĩa wa mana? (Yel. 10:5; Isa. 46:7; Ava. 2:19)
- Soma Yelemia 26:1-16.
O yĩla maendee na kũtavany’a ũvoo wa kũkany’a, etĩkĩw’a mauta ala matialĩte malilikanaa ata kũatĩĩa mwĩao ũla Yeova wanengie Yelemia ‘ndũkatialye ndeto o na ĩmwe’? (Yel. 26:2; Kut. 4:2; Meko 20:27)
Nĩ ngelekany’o myaũ nzeo ĩla Yelemia waiĩie Ngũsĩ sya Yeova ĩũlũ wa kũtavany’a ũkany’o wa Ngai kwa mbaĩ syonthe? (Yel. 26:8, 12, 14, 15; 2 Tim. 4:1-5)
- Soma 2 Asumbĩ 24:1-17.
Nĩ maumĩlĩĩlo meva me kyeva ala maetiwe nũndũ wa Yuta kwĩthĩwa mate aĩkĩĩku kwa Yeova? (2 Asu. 24:2-4, 14)
