5 TROKIÑ
Israel che yengepulu engün Babilonia mew, ka wiño dewmangetual Jerusalen ñi kura malal
Pu Israel che petu mongelelu engün Babilonia mu, tañi mupiltun mu fentren kintukaduammekenieyngün. Sadrak, Mesak ka Abednego ütrüftükungey engün kiñe lüfkülechi rono (horno) mu, welu mongelen nentueyew Ngünechen engün. Fey wüla, tati pu Medo ka Persia wewfilu engün Babilonia, Daniel ütrüftükungey kiñe rüngan mu nielu trapial (fücha peñi), welu Ngünechen ka ingkaeyew trapümüñmafi ñi wün ti pu trapial.
Af mew, Siro ti rey persa neykümfi tati pu Israel che. Wiñotuy ñi mapu mu engün trürpulu ti regle mari tripantu rupalu yengemum Babilonia mew. Kiñe wünen dungu femputuyngün wiñotulu Jerusalen mew, pürüm (pür) küdawingün ñi dewmayafiel Jewba ñi ngillatuwe ruka. Welu pürüm tati pu kayñe katrütuñmafi ñi küdaw engün. Feymu epu mari epu tripantu rupapelu may wiñotulu engün Jerusalen, dewi ñi dewmafiel ti ngillatuwe ruka.
Fey wüla, kimafiyiñ Esdra ñi wiñotun Jerusalen ñi küme adelafiel ti ngillatuwe ruka. Dew dewlu ti ngillatuwe ruka, rupaychi meli mari regle tripantu. Fey mew, mari küla tripantu mu wiñotulu Esdra, Neemia kelluy ñi dewmatuafiel Jerusalen ñi alüpürachi kura malal, tranalekefulu. Ti KECHU TROKIÑ koneltuley fentren dungu, ruparkey 152 tripantu feychi mu.
TÜFACHI TROQUIÑ MU
NÜTRAM 77
Chem no rume pochongnakümlaeyew engün
Ngünechen, ¿montulpeafi may tüfachi küla feyentulechi weche wentru ti üykülechi rono mew?
NÜTRAM 79
Daniel rangiñkonküley pu trapial mu
“Lape müten” pingey ta Daniel, welu kidu ¿femürpuafuy ñi tukungenoal?
NÜTRAM 80
Pu Israel che tripayngün Babilonia mu
Ti longko ülmen Siro nüfilu Babilonia mupiy ti pelon dungu, ka mupimekey kangelu pelon dungu.
NÜTRAM 81
Maneluwküleyngün Ngünechen ñi kelluetew mu
Pu israelche inalayngün ti ley dungu ñi feyentuafiel ta Ngünechen. Ngünechen ¿kümelkapeafi may tañi femün engün?
NÜTRAM 82
Mardokeo ka Ester
Vasti rume ad domongefuy, welu ti longko ülmen Asuero wünenkünufi ta Ester ñi we reynangeal. ¿Chumngelu?
NÜTRAM 83
Tati fütrake kura malal Jerusalen mu
Petu dewmalu ti kura malal, tati pu küdawfe müley ñi pepikawküleal tañi fütrake kuchillo ka tañi wayki engu, antü ka pun mu.
