PÁRTE 5
Ojegueraha guive Babilóniape, Jerusalén murálla oñemopuʼã jey peve
Oiko aja umi isrraelíta prisionéro Babilóniape, pe fe oguerekóva hikuái ohasa heta jejopy vaíre. Sadrac, Mesac ha Abednégope ojepoi peteĩ tatakua akúpe, péro Ñandejára oguenohẽ chupekuéra hekove rehe. Upéi Babilonia operde rire umi médo ha persakuéra kóntrape, Daniélpe ojeity umi león oĩhápe, péro Ñandejára oprotehe chupe ha omboty umi león juru.
Ipahápe, pe rréi pérsa Ciro oheja oho umi isrraelítape. Haʼekuéra oho jey hetãme 70 áño ojegueraha rire Babilóniape. Peteĩ mbaʼe ojapo raẽteve vaʼekue oho jey rire hikuái Jerusalénpe, haʼe pe Jehová témplo. Péro iñenemigokuéra pyaʼeterei ojoko pe tembiapo. Upévare, oho rire Jerusalénpe ohasa jey 22 áño rupi ojapopa hag̃ua hikuái pe témplo.
Upe rire, jaikuaa Esdras ohohague Jerusalénpe omoporã hag̃ua pe témplo. Upéva oiko 47 áño rupi pe témplo ojejapopa rire. Upéi, 13 áño Esdras oviaha rire, Nehemías oipytyvõ oñemopuʼã jey hag̃ua Jerusalén murálla hoʼapavaʼekue. Ko Párte CINCO omombeʼu 152 áñope oikovaʼekue, upe tiémpo peve.
KO PÁRTEPE
ISTÓRIA 77
Mbaʼeve nombojayvýi chupekuéra
¿Osalvátapa Ñandejára koʼã mbohapy kuimbaʼe iñeʼẽrendúvape?
ISTÓRIA 78
Pe pare rehe ojeskrivi
Proféta Daniel omombeʼu mbaʼépa heʼise umi cuatro palávra ojeskrivíva peteĩ parére.
ISTÓRIA 79
Daniel leonkuéra apytépe
Daniélpe oñekondena kuri omano hag̃ua ojapo haguére peteĩ mbaʼe iporãva. ¿Mbaʼépa raʼe upéva?
ISTÓRIA 80
Israel osẽ Babilóniagui
Pe rréi de Persia hérava Ciro okumpli vaʼekue peteĩ profesía oikérõ guare Babilóniape, ha upéi okumpli jey ótro profesía.
ISTÓRIA 81
Ojerovia hikuái Ñandejára oipytyvõtaha chupekuéra
Umi isrraelíta okumpli Ñandejára volunta oĩramo jepe peteĩ léi oproivíva chuguikuéra upéva. ¿Ovendesípa Ñandejára chupekuéra?
ISTÓRIA 82
Mardoqueo ha Ester
Rréina Vasti iporã vaʼekue, péro rréi Asuero odesidi omoĩtaha Estérpe hekovia. ¿Mbaʼérepa?
ISTÓRIA 83
Umi murálla oĩva Jerusalénpe
Omopuʼã jey aja pe murálla, umi ovréro oguereko vaʼerã kuri preparádo ijespáda ha ilánsa oñedefende hag̃ua, tahaʼe de día térã pyharekue.
