PASET 5
Pannakakayaw Idiay Babilonia Inggana ti Panangbangon Manen ti Bakud ti Jerusalem
Bayat ti kaaddada idiay Babilonia, adut’ nakasuotan dagiti Israelitas iti pammatida. Ni Sidrac, Misac ken Abdenago ti naipalladawda iti umapapuy nga urno, ngem inruar ida ti Dios a sibibiag. Kalpasanna, ni Daniel ti naipalladaw met iti rukib dagiti leon, ngem isu met ti sinalakniban ti Dios.
Iti kamaudiananna, ti ari ti Persia a ni Ciro winayawayaanna dagiti Israelitas. Nagsublida idiay ilida kalpasan la unay ti 70 a tawen a pannakakayawda. Dagdagus, rinugianda a bangonen ti templo ni Jehova. Nupay kasta, gaput’ panangsinga dagiti kabusorda, sa la nalpas daytoy a trabaho agarup 22 a tawtawen iti kamaudianna.
Sumaganad, maammuantay ti panagsubli ni Esdras idiay Jerusalem a mangpapintas iti templo, 47 a tawen kalpasan a makompleto. Sa, 13 a tawtawen kamaudiananna, timmulong ni Nehemias a mangbangon kadagiti bakud ti Jerusalem a nadadael. Ti Paset SINKO saklawenna ti 152 a tawtawen ti historia agingga iti daytoy.
ITI DAYTOY A SEKSION
ESTORIA 78
Surat ti Ima iti Diding
Imbaga ni propeta Daniel ti kaipapanan ti uppat a misterioso a sasao.
ESTORIA 79
Ni Daniel Idiay Rukib Dagiti Leon
Nasentensiaan ni Daniel a matay. Maliklikanna ngata dayta?
ESTORIA 80
Pinanawanda ti Babilonia
Adda maysa a padto a tinungpal ni Ari Ciro idi nasakupna ti Babilonia ket ita, adda manen maysa a padto a tungpalenna.
ESTORIA 81
Talek iti Tulong ti Dios
Sinukir dagiti Israelita ti linteg ti tao tapno makapagtulnogda iti Dios. Bendisionan ngata ti Dios ida?
ESTORIA 82
Ni Mardokeo ken Ester
Napintas ni Reyna Vasti, ngem sinuktan ni Ari Ahasuero isuna kas reyna. Ni Ester ti insukatna kas ti baro a reynana. Apay?
ESTORIA 83
Dagiti Bakud ti Jerusalem
Bayat nga agibangbangon dagiti trabahador, masapul a nakasagana latta dagiti espada ken gayangda iti aldaw ken rabii.
