Immikkoortoq 5
Babylonimi tigusaaqqanermiit Jerusalemip qarmarsuisa qarmaqqinneqarnerannut
Israelikkut Babylonimi tigusaaqqanerminni arlaleriarlutik uppernermikkut misilinneqartarput. Sjadrak, Mesjak Abed-Negolu aatsitsivimmut kissaqisumut iginneqarput, kisianni Guutip uumatillugit anisippai. Kingusinnerusukkut Babylon Mediamiunit Persiamiunillu ajugaaffigineqareermat Daniel liivit inaannut itersaliamut iginneqarpoq, tassanili Guutip sernigaa liivit qarni matullugit.
Kiisami Israelikkut kunngimit Kyrosimit aniguisinneqarput. Nunagisaminnut uterput Babylonimit tigusaanerminniit ukiut 70-it qaangiummata. Siulliullugu suliaat tassa Jerusalemimi Jehovap naalaffiata sanaqqinnera. Kisianni suliaq tamanna akeqqanit unitsikkasuarneqarpoq. Jerusalemimut tikinnerminniit ukiut 22-t qaangiummata aatsaat naalaffik inerpaat.
Tamatuma kingorna tusassavarput Esrap Jerusalemimukarnera naalaffik kusassariartorlugu. Tassa naalaffiup inerneraniit ukiut 47-t qaangiummata. Esrap aallarneraniit ukiut 13-it qaangiuttut Nehemias tikippoq Jerusalemip qarmarsuisa qarmaqqinnerannut ikiuukkiartorluni. IMMIKKOORTOQ 5-imi ukiut 152-it ingerlaneranni pisimasut oqaluttuarineqarput.
IMMIKKOORTUMI UANI
OQALUTTUAQ 79
Danieli liivit inaanni
Danieli toqumut pillagaasussanngorpoq, tamannali pinngitsoortissinnaagaluarpaa?
MEEQQANUT 80
Babylonimit aniguisitaaneq
Perserit kunngiata Kyrosip Babyloni tiguaramiuk siulittuut ataaseq eqquutitippaa, maannalu alla aamma eqquutitippaa.
OQALUTTUAQ 81
Guutip ikiuinissaa tatigigaat
Israelikkut inuit inatsisaat unioqqutillugit Guuti naalappaat. Guutip pilluaqqussavai?
OQALUTTUAQ 82
Mordokaji Esterilu
Dronningi Vashti pinnersuuvoq, Kunngilli Ahasverusip taarserlugu Esterimik dronninginngortitsivoq. Sooq?
OQALUTTUAQ 83
Jerusalemip qarmarsui
Qarmaaqqinnermi sulisut ulloq unnuarlu panalisarlutillu qalugiusaqartariaqarput.
