Kipungu 5
Kufuma mu Buzha mu Babilona Kuya na Kushimukulula Masakwa a Yelusalema
Bena Isalela byo bajinga mu buzha mu Babilona, lwitabilo lwabo lwaesekelwe bingi. Ba Shadalaka, Meshaka ne Abedenego batailwe mu kisha kya mujilo, bino Lesa wibafumishemo batuntulu. Palutwe kacheche panyuma ya kuba Babilona bamushinda ku bena Media ne bena Pelisha, Danyela bamutayile mu jiyengo ja mabokwe, bino Lesa wamuzhikijile kupichila mu kushinka tunwa twa mabokwe.
Kyapeleleko, mfumu wa bena Pelisha aye Kilusa wakuujile bena Isalela. Babwelele ku muzhi wabo panyuma ya kupitapo myaka 70 kufuma po bebatwajile mu buzha mu Babilona. Kintu kitanshi kyo baubile kimye kyo babwelele ku Yelusalema ke kutunga nzubo ya Yehoba. Nangwa byonkabyo, balwanyi bebalekeshe mwingilo wabo. Onkao mambo, bapwishishe kushimika nzubo ya Lesa panyuma ya kupitapo myaka 22 kufuma po babwelejile ku Yelusalema.
Kikwabo, tufunda pa lwendo lwa kwa Ezela lwa kubwela ku Yelusalema na kuwamisha nzubo ya Lesa. Kino kyaubiwe panyuma ya kupitapo myaka 47 kufuma papwijile nzubo ya Lesa. Kepo panyuma ya myaka 13 kufuma pa lwendo lwa kwa Ezela, Nehemiya wakwashishe kushimukulula masakwa a Yelusalema aonaikile. Kipungu kya BUTANU kyaamba pa myaka 152 mu bwikalo bwa bantu kufika ne mu ano moba.
BIJI MU KINO KIPUNGU
JISHIMIKILA 77
Kechi Bafukamine Panshi Ne
Abya Lesa wapulwishe bano banyike basatu balukookelo mu kisha kya mujilo nyi?
JISHIMIKILA 79
Danyela mu Jiyengo ja Mabokwe
Danyela bamuchibijile mambo a kufwa, bino wafwainwa kuchinuzhuka byepi kino?
JISHIMIKILA 80
Bantu ba Lesa Bafumine mu Babilona
Mfumu Kilusa wa bena Pelisha wafikizhe bungauzhi bumo kimye kyo atujile kasala muzhi wa Babilona kabiji wafikizhe ne bungauzhi bukwabo.
JISHIMIKILA 81
Kuketekela mu Bukwasho bwa Lesa
Bena Isalela balajile mizhilo ya bantu kuba’mba bakookele Lesa. Nanchi Lesa wibapesheshe pa kuba bino nyi?
JISHIMIKILA 82
Modekai ne Eshita
Vashiti muka mfumu walambile bingi, bino Mfumu Ahaselusa wamupingizhepo ne Eshita kwikala muka mfumu wakatataka. Mambo ka o aubijile bino?
JISHIMIKILA 83
Nsakwa ya Yelusalema
Kimy kyo bashimukulwilenga nsakwa, ba mingilo bengezhe mute ne bufuku saka balama mapoko ne mafumo.