KUNKU KIA 5
Tuka Kinkole Kuna Babele Yamu Ntungululwa Yaka ya Yerusaleme
Lukwikilu lwa Aneyisaele lwatontwa kwayingi ekolo bakala muna kinkole kuna Babele. Saderake, Misake yo Abedengo batubwa mun’esoka dia tiya, kansi Nzambi wabavuluza. I bosi, vava Babele yabwiswa kwa Amadai ye Aparasi, Daniele watubwa mun’ewulu dia nkosi, kansi Nzambi wantanina, wakanga nua mia nkosi.
I bosi, Kurese wa ntinu a Parasa wavevola Aneyisaele. Vioka mvu 70 muna kinkole kuna Babele, bavutuka kuna nsi au. Diambu diantete bavanga vava bavutuka kuna Yerusaleme, i tunga tempelo a Yave. Kansi, atantu baningamesa e salu kiau. Ozevo, mvu 22 miavioka tuka bavutukila kuna Yerusaleme i bosi e tempelo yamanisa o tungwa.
I bosi, tuzaya e nkangalu kavanga Ezera mu vutuka kuna Yerusaleme mu viengesa e tempelo. Ediadi diavangama vioka mvu 47 tuka kiafokokela tunga e tempelo. Vioka diaka mvu 13 tuka Ezera kavangila e nkangalu wau, Nekemiya wasadisa mu tungulula yaka ya Yerusaleme. E Kunku KIETANU lusansu lwa mvu 152 kiyikanga.
MU KUNKU KIAKI
LUSANSU LWA 77
Ke Bafukamena Teke Ko
Nga o Nzambi ovuluza matoko tatu mama akwa lemvo muna soka dia tiya?
LUSANSU LWA 79
Daniele Mun’ewulu dia Nkosi
Daniele ozengelo tumbu kia lufwa, kansi nga wafwana venga e tumbu kiaki?
LUSANSU LWA 80
Nkangu a Nzambi Uvaikidi Muna Babele
Kurese wa Ntinu a Parasa walungisa ungunza vava kakutumuna e Babele, owau mu lungisa kena ungunza wankaka.
LUSANSU LWA 81
Basia e Vuvu Muna Lusadisu lwa Nzambi
Aneyisaele bakulwidi nsiku mia wantu mu lemvokela Nzambi. Nga o Nzambi okubasambula?
LUSANSU LWA 82
Modekai yo Esete
Vasiti wa Ntinu Ankento mote kikilu, kansi Akasurose wa Ntinu wavingisa Esete vana fulu kiandi se ntinu ankento. Ekuma?
LUSANSU LWA 83
Yaka ya Yerusaleme
Ekolo asadi batunganga e yaka, e nsosolo ye nzanza zau zakubama zakalanga fuku yo mwini.
