XI MAʼAONNI
Nga kinikatíonʼio saʼnda nga kisʼendaya je xjáo xi kjindai Jerusalén
Kʼianga kinikatíonʼio je chjota israelita ya Babilonia, kichotʼayakao je kjoamakjainle. Sadrac, Mesac kao Abednego jngo ngajá xi ñaki tíbʼajnga kichanisʼen, tonga Niná tsakʼasjentjai nga tsín jme xi koanle. Xijekoanni, nga je kitjoele Babilonia je chjota medo kao persa, je Daniel ya kinikʼatjenya nga̱jao̱ jña tjíoʼya xa, tonga kʼoati tsakasenkao Niná nga tsakʼéchjoa je tsʼoa xa.
Xi jetʼani, Ciro je reyle Persia kisikatíondai je chjota israelita. Tochoa̱ jankan kao te nó kichó ijngokʼani naxinandále nga kʼoasʼin kinikatíonʼio ya Babilonia. Nga kichó Jerusalén kʼoati kui xi títjon kisʼin nga tsakʼéndaya je yo̱ngo̱le Jeobá. Tonga je chjota kontrale tsakʼéchjoale je xá xi tjíosʼín. Kʼia Saʼnda nga je kanjao nó nga kichó Jerusalén nga chan koanjngole yo̱ngo̱.
Kʼoati ʼya xi tʼatsʼe Esdras nga ki ijngokʼani Jerusalén nga tsakʼéndaya je yo̱ngo̱. Kʼia kʼoakoan jebi nga je ñachan ñato nó jaʼato nga koanjngo je yo̱ngo̱. Xijekoanni tejan nó nga kʼoasʼin ki Esdras, je Nehemías kitsjoá nganʼio nga kisʼendaya je xjáo xi kjindai Jerusalén, nga kʼoasʼin kinikixojen. Jé XI MAʼAONNI jebi, kʼoa jngo siento kao ñachantejao nó bichóni saʼnda nga kui nichxin.
KUI FAʼAITʼA JEBI
KJOAʼMIYA 77
Nitsejinla xkóle tsakinyá
A tsakʼasjentjai Niná nga jan xti jebi kʼianga kichanisʼen ya nga̱já xi tífaʼájnga̱.
KJOAʼMIYA 78
Én xi kichjitʼa ya tʼaxjáo
Je profeta Daniel kʼoakitso josʼin tsoyanile nga ño én xi kichjitʼa ya tʼaxjáo.
KJOAʼMIYA 79
Daniel ya tíjnajinle xa
Je Daniel yaa kinikʼatjenjinle xa. A tsín jme xi koan kisʼin nga tsín kʼoakinikao.
KJOAʼMIYA 80
Nga kitjo chjota israelita ya Babilonia
Je Ciro, rey xi tsʼe Persia, jngo én xi tongini kinokjoa kisitjoson kʼianga kiskoé Babilonia, kʼoa ijngosa én xi tongini kinokjoa kisitjoson.
KJOAʼMIYA 81
Nganʼiole Niná kisinʼiotʼa
Tjíokʼa kjoatéxoma xi to chjota tsakʼasje xi tsín kisitjoson chjota israelita, kʼoa tosa kui kjoatéxomale Niná kisitjoson. A kisichikontʼain Niná nga kʼoakisʼin.
KJOAʼMIYA 82
Mardoqueo kao Ester
Je reina Vasti naskánakisʼe, tonga je rey Asuero jé Ester kisikʼéjnangajaole nga reina koan. Ánni kʼoakisʼinni.
KJOAʼMIYA 83
Je xjáo xi kjindai Jerusalén
Je chjota israelita nichxin kao nitjeen tsakʼa je ki̱cha̱ espadale kao ki̱cha̱ lanzale nga kiskomitje̱n je xjáo.
