Chiʼ ri täq israelitas e tzʼapal pa Babilonia, xyaʼ pa nim täq kʼäx ri kikojonik. Sadrac, Mesac xuqujeʼ Abednego xeyaʼ chupam jun tuj (horno) nojinäq che qʼaqʼ, tekʼuriʼ ri Ajawaxel xeʼuresaj lo chilaʼ e kʼaslik. Tekʼuriʼ, chiʼ e chʼakom chik ri Babilonios kumal ri medos xuqujeʼ ri persas, Daniel xyaʼ chupam jun jul ni, o jachiʼ e kʼo wi ri täq köj, tekʼuriʼ ri Ajawaxel xutoʼ Daniel chiʼ xutzʼapij kichiʼ ri täq köj.

Kʼisbʼal re, ri ajawinel Ciro rech persa xeʼuresaj lo ri täq israelitas pa ri tzʼapibʼal. Xetzalij pa kitinamit qʼaxnäq chi 70 junabʼ e tzʼapal Babilonia. Jun chike ri nabʼe xkebʼano chiʼ xetzalij lo Jerusalén are xkebʼan ubʼanik ri loqʼalaj ja rech Jehová. Tekʼuriʼ ri täq kikʼulel xkeya ta chike xkekʼis ri kichak. Rumal laʼ xubʼan 22 junabʼ chiʼ e tzalijnäq loq Jerusalén tekʼuriʼ xkekʼis ubʼanik ri loqʼalaj ja.

Tekʼuriʼ, kqetaʼmaj na chirij ri uviaje Esdras chiʼ xtzalij lo pa Jerusalén rech krila we utz xkanaj kan ri loqʼalaj ja. Xopanik chiʼ qʼaxnäq chi 47 junabʼ chiʼ xbʼan ubʼanik ri loqʼalaj ja. Tekʼuriʼ, 13 junabʼ chirij ri uviaje Esdras, Nehemías xtobʼanik chiʼ xbʼan ubʼanik ri täq tapya rech Jerusalén che e tzaqnäq loq. Ri UROʼ Jupuq kubʼanaʼ 152 junabʼ rech ri xbʼantajik pa täq qʼij riʼ.