KONGA 5
Nofo Pōpula ‘i Pāpiloné ‘o A‘u ki Hono Toe Langa ‘a e Ngaahi ‘Ā ‘o Selusalemá
Lolotonga ‘a e nofo pōpula ‘i Pāpiloné, na‘e lahi hono ‘ahi‘ahi‘i ‘a e tui ‘a e kau ‘Isilelí. Na‘e lī ‘a Setaleki, Mēsake mo ‘Apitenikō ki he fonise afi kakaha, ka na‘e toe fakahaofi mo‘ui kinautolu ‘e he ‘Otuá. Ki mui mai, ‘i he hili hono ikuna‘i ‘o Pāpilone ‘e he kau Mītiá mo e kau Pēsiá, na‘e lī ‘a Tāniela ki he ‘ana ‘o e fanga laioné, ka na‘e toe malu‘i foki mo ia ‘e he ‘Otuá ‘aki ‘ene tāpuni‘i ‘a e ngutu ‘o e fanga laioné.
Faifai atu pē, na‘e tuku ange ‘e he tu‘i Pēsia ko Kōlesí ‘a e kau ‘Isilelí. Na‘a nau toe foki ki honau fonuá ko e toki ‘osi ia ‘a e ta‘u ‘e 70 mei hono ‘ave kinautolu ko e kau pōpula ki Pāpiloné. Ko e taha ‘i he ‘uluaki ngaahi me‘a na‘a nau fai ‘i he‘enau foki ki Selusalemá ko hono kamata ‘a e langa ‘o e temipale ‘o Sihová. Kaekehe, na‘e vave hono ta‘ofi ‘e he ngaahi filí ia ‘a e ngāué. Ko ia ‘oku fakafuofua ki he ta‘u ‘e 22 hili ‘enau toe foki ki Selusalemá na‘a nau toki faka‘osi ai ‘a e temipalé.
Ko hono hokó, te tau ako ki he fononga ‘a ‘Ēsela ‘o foki ki Selusalema ke toe ‘ai ke faka‘ofo‘ofa ‘a e temipalé. Ko e ta‘u ia ‘e 47 hili hono faka‘osi ‘a e temipalé. Pea hili ‘a e ta‘u ‘e 13 mei he fononga na‘e fai ‘e ‘Ēselá, na‘e tokoni ‘a Nehemaia ke toe langa ‘a e ngaahi ‘ā maumaú ‘o Selusalemá. ‘Oku lave ‘a e Konga NIMÁ ki he ta‘u ‘e 152 ‘o e hisitōliá.
‘I HE KONGA KO ENÍ
TALANOA 77
Na‘e ‘Ikai te Nau Punou
‘E fakahaofi ‘e he ‘Otuá ‘a e kau talavou talangofua ‘e toko tolú mei he fōnise afí?
TALANOA 78
Ko e Tohinima ‘i he Holisi
Fakatonulea‘i ‘e he palōfita ko Tānielá ‘a e ngaahi fo‘i lea misiteli ‘e fā.
TALANOA 79
Ko Tāniela ‘i he ‘Ana ‘o e Fanga Laioné
Na‘e tautea mate ‘a Tāniela, ka ‘e lava ke ne hao mei ai?
TALANOA 80
Na‘e Mavahe ‘a e Kakai ‘a e ‘Otuá mei Pāpilone
Na‘e fakahoko ‘e he Tu‘i Pēsia ko Kōlesí ‘a e kikite ‘e taha ‘i he taimi na‘á ne ikuna‘i ai ‘a Pāpiloné, peá ne toe fakahoko ai mo e taha.
TALANOA 81
Ko e Falala ki he Tokoni ‘a e ‘Otuá
Na‘e maumau‘i ‘e he kau ‘Isilelí ‘a e lao ‘a e tangatá koe‘uhi ke nau talangofua ki he lao ‘a e ‘Otuá. ‘E tāpuaki‘i kinautolu ‘e he ‘Otuá?
TALANOA 82
Ko Motekiai mo ‘Ēseta
Ko Kuini Vasitai na‘e faka‘ofo‘ofa, ka na‘e kei fetongi pē ia ‘e Tu‘i ‘Ahasivelo ‘aki ‘a ‘Ēseta ko e kuini fo‘oú. Ko e hā hono ‘uhingá?
TALANOA 83
Ko e Ngaahi ‘Ā ‘o Selusalemá
Lolotonga hono kei langa ‘o e ‘aá, na‘e pau ki he kau ngāué ke teuteu ‘enau ngaahi heletaá mo e taó ‘i he ‘aho mo e pō.