XETʼAN 5
Man ijiye och ja israʼelenyo bʼa Babilonia man aji kʼeʼuk yajkʼachil ja sbardaʼil ja Jerusalén
Spetsanil ja tyempo ajyiye lutan ja israʼelenyo bʼa Babilonia, ja skʼuʼajel yiʼoje bʼa Jyoba aji och preba. Sadrac, Mesac soka Abednego jipjiyekoʼ bʼa jun orno wan ajlel, pe ja Dyos skoltay bʼa mi jas oj ekʼ sbʼaje. Tsaʼan yajni aji chʼaysnajel ja Babilonia yuja chonabʼ bʼa Media soka bʼa Persia, Daniel jipjikoʼ bʼa skʼejnal choj. Pe ja Dyos cha skoltayni ja Daniel yajni smaka yi stiʼ ja chojiki.
Ja mandaranum Ciro tixa yaʼakan awajuke ja israʼelenyo, soka yeʼnle kumxiye ja bʼa xchonabʼe yajni ekʼta 70 jabʼil ja ijiye och man Babilonia. Yajni kʼotyeʼi, yawe kʼeʼuk ja stemplo ja Jyoba. Pe ja kontraʼanum jumasaʼ tixta yawe kʼot tekʼan ja aʼteli. Jachuk ekʼ jun 22 jabʼil yajni chʼak yawe kʼeʼuki.
Ekʼ 47 jabʼil yajni chʼak kʼeʼuk ja stemplo ja Jyoba. Esdras yaʼ yi ja niwan sbʼejyel man Jerusalén bʼa oj ya tsamalbʼuk ja templo. Tsaʼan oj jnebʼtik sbʼaja it. Ekʼ 13 jabʼil yajni ja Esdras waj ja bʼa Jerusalén, sok ja Nehemiasi koltani bʼa yajel kʼeʼuk yajkʼachil ekʼele ja sbardaʼil ja Jerusalén. Ja XETʼAN 5 yiʼaj 152 jabʼil ja chʼak ekʼuki.
JA BʼA XETʼAN IT
LOʼIL 77
Mini jas aji koʼuke mekʼan
¿Oj maʼ skoltay ja Dyos ja oxwane keremtik kʼuʼabʼal ajyiye ja bʼa orno wan ajleli?
LOʼIL 78
Ja jas tsʼijbʼunubʼal bʼa sat naʼitsi
Ja aluman Daniel yala jas wa stojolan ja yaljelik mi xnaxi.
LOʼIL 79
Daniel soka chojiki
Jekji amiljuk ja Daniel, ¿pe oj maʼ bʼobʼ timjuk ajyi bʼa mok kʼulajukyi ja jaw?
LOʼIL 80
Israel wa x-el ja bʼa Babilonia
Ja Ciro, mandaranum bʼa Persia, ya kʼotuk ja jasa alxi oj ekʼuk yajni yiʼajkan ja Babilonia, jaxa wego cha ya kʼot pilan.
LOʼIL 81
Wa sjipawe skʼujol bʼa Dyos
Ja israʼelenyo skʼokowe ja sley ja ixuk winik bʼa kʼuʼabʼal oj ajyuke soka Dyosi. ¿Aji maʼ koʼ slekilale yuja Dyosi?
LOʼIL 82
Mardoqueo soka Esteri
Ja Vasti jel tsamal, pe ja mandaranum Asuero ya eluk jastal mandaranum sok ja ya slokʼoluk ja Ester. ¿Jas yuj?
LOʼIL 83
Ja sbardaʼil ja Jerusalén
Yajni wane yajel kʼeʼuk ja barda, ja aʼtijumiki tʼilani chapan oj yaʼe ja yespadaʼe soka slansaʼe kʼakʼu akwal.