Engaksï israelitecha Babilonia japka, imecheri jakajkukua mámaru ambe jimbo tsʼéjkunhasti. Sadraki, Mesaki ka Abednegu jornarhu jorhepitirhuksï kʼuaninhanhasti, peru Tata Diosï tsípiti petaantasti. Engaksï medu ka persecha kʼamajkujka Babiloniani, Danieli kʼuaninhanhasïndi lionichani jingoni, peru ístu Tata Diosï kuájpintasti mímukuaparini lionichani.

Tátsekua Siru, juramuti Persia anapu kuájpiantasïndi israelitechani. Ka kʼuanhatsintasïndiksï Jerusaleni engaksï 70 uéxurhini andangutapkia Babilonia. Engaksï na kʼuanhatsipkia, uénasïndiksï úntani Jeobaeri templuni. Peru no ióni jimbo, imecheri ikiatspiticha anhaxustasïndiksï imecheri ánchikuarhitani. Jimbosïksï kʼamakujti sési jántskantani templuni 22 uéxurhini ísï tátsekua engaksï kʼuanhatsipkia Jerusaleni.

Tátsekuachi jorhenguarhisïnga enga Esdrasi kʼuanhatsintajka Jerusaleni para sési jántskantani templuni. I ambe úkuarhesti 47 uéxurhini ísï tátsekua enga na kʼamakunhapkia únhani templu. Jiájkani, 13 uéxurhini jimbo tátsekua enga Esdrasi nípka Jerusaleni, Neemiasi jarhuajpesïndi Jerusaleni anapu bardechani tarhataantani. Parti SINKU jimbo mítisïngachi ambe enga úkuarhipka 152 uéxurhini jimbo.