YOʼEBAL PARTE
Kʼalal la yichʼik bael chukel jaʼto te kʼalal la yichʼ chaʼpasel te tsʼajkʼetik yuʼun Jerusalén
Te kʼalal ayik ta chukel ta Babilonia-a te israeletike la yichʼik ilbeyel xchʼuunel yoʼtanik. Te Sadrac, Mesac, sok te Abed-nego la yichʼik chʼojel ochel ta orno yuʼun kʼajkʼ te yak ta tilele, jaʼukmeto kuxul la yichʼik lokʼesel yuʼun Dios tey-a. Kʼalal kʼax bael te jaʼbile, la yichʼ tsalel yuʼun medoetik sok persaetik te Babiloniae, la yichʼ chʼojel ochel ta schʼen león chojetik te Daniele, jaʼnix jich la yichʼ koltayel yuʼun te Diose, melel la smakbey ye te león chojetike.
Kʼot yorail te la yichʼ koltayel te israeletik yuʼun te ajwalil Ciro. Sujtik bael ta slumalik te kʼalal tsʼakajix-a te 70 jaʼbil te bitʼil la yichʼik bael chukel ta Babiloniae. Te bin nail la spasik te kʼalal sujtik bael ta Jerusalén jaʼ te la schaʼpasik te Templo yuʼun te Jehovae. Jaʼukmeto oranax la yichʼik komel yuʼun te skontratakike. Ayniwan kʼaxemix 22 jaʼbil sujtelik ta Jerusalén-a te juʼ yuʼunik schaʼpasel te Temploe.
Ta patil, yame jnoptik bael ta swenta te bitʼil sujt tal ta Jerusalén te Esdras yuʼun ya slekubtesxan ta pasel te Temploe. Jaʼ ini ayniwan kʼaxemix 47 jaʼbil-a te juʼ ta chaʼpasel te Temploe. Ta yoxlajunebal jaʼbil ta patil te kʼalal sujt tal ta Jerusalén te Esdras, te Nehemías koltaywan ta schaʼpasel te stsʼajkʼul te Jerusalén te jinem koele. Jich yuʼun te YOʼEBAL PARTE ini smakoj 152 jaʼbil.
TA SECCION INI
AʼIYEJ 77
Mananix la skejan sbaik-a
¿Bin-utʼil koltayotik yuʼun Dios te oxtul keremetik ta swenta te la yichʼik chʼojel ochel ta ornoe?
AʼIYEJ 78
Te bin tsʼibaybil ta pajkʼ
Te j-alwanej Daniel la yalbey skʼoplal te tsʼibaybil kʼopetike.
AʼIYEJ 79
Te Daniel ay ta schʼen león chojetik
Te Daniel kʼan yichʼ milel, jaʼukmeto lokʼbal ta anel yuʼun?
AʼIYEJ 80
Lokʼik bael ta Babilonia te israeletike
Te ajwalil Ciro ta Persia la skʼotes ta pasel jun albilkʼop te kʼalal la stsal te Babilonia, sok la skʼotes ta pasel yan albilkʼop.
AʼIYEJ 81
La yakʼ smukʼul yoʼtanik ta stojol Dios
Te israeletike maba schʼuunik spasel te leyetik yuʼun te winiketik swenta jaʼ ya schʼuunbeyik smantal te Diose, ¿yabal xkoltayotik yuʼun te Diose?
AʼIYEJ 82
Te Mardoqueo sok te Ester
Te ajwalil ants Vasti tʼujbil ants, jaʼukmeto te ajwalil Asuero jaʼ la yinamin te Ester swenta ya yakʼ ta ajwalil ants. ¿Bin yuʼun?
AʼIYEJ 83
Te tsʼajkʼetik yuʼun Jerusalén
Te machʼatik yakik ta spasel te tsʼajkʼe, maba yichʼoj espada yuʼunik ay yantik te yichʼoj slanzaik jujun kʼajkʼal sok ta ajkʼabal.
