XAAJ 5
Bi ñu nekkoon jaam ca Babilon ba bi ñu tabaxaatee miiri Yerusalem
Bi waa Israyil nekkoon jaam ca Babilon, fekke nañu lu bare lu mënoon a yàq seen diggante ak Yàlla. Sànni nañu Sadarag, Mesag ak Abed-Nego ci lu mel ni fuur bu mag a mag, waaye Yexowa muccal na leen. Waa Medi ak waa Pers daan nañu waa Babilon. Sànni nañu Dañeel ci kàmb fu ñu defoon ay gaynde, waaye Yàlla muccal na ko moom it. Tëj na gémmiñu gaynde yi.
Buuru Pers Sirus bàyyi na waa Israyil ñu dellu seen réew. Dañu fa dellu 70 at ginnaaw bi ñu leen yóbbu woon Babilon, ñu nekk jaam. Ci yëf yi ñu jëkk def, lii bokkoon na ci : dañu tàmbali tabaxaat kër Yexowa. Waaye yàggul rekk, ay noon tax ñu bàyyi liggéey bi. Loolu moo tax ñu jeexal liggéeyu tabaxaat kër Yàlla gi lu tollu ak 22 at ginnaaw bi ñu dellusee Yerusalem.
Ginnaaw loolu, dinañu jàng lu jëm ci bi Esras delloo Yerusalem ngir rafetal kër Yàlla gi. Dellu na fa lu war a tollu ak 47 at ginnaaw bi ñu àggalee tabaxaatu kër Yàlla gi. Te 13 at ginnaaw bi Esras delloo Yerusalem, Nëxemiya dimbali na leen ñu tabaxaat miiri Yerusalem yi yàqu woon. Li ñu nettali ci XAAJ 5, ci lu mat 152 at la ame.
IN THIS SECTION
NETTALI 80
Mbooloo Yàlla Mu Ngi Jóge Babilon
Sirus Buuru Pers ni ñu ko jàppe Babilon matal na benn ci li yónent yi yéglewoon, te léegi itam mu ngi matal beneen.
NETTALI 81
Dañu Yaakaar Ci Ndimbalu Yexowa
Waa Israyil dañu bañ a topp yoonu nit, waaye dañu déggal Yexowa. Ndax Yàlla barkeel na leen ?
NETTALI 82
Mordekay Ak Esteer
Lingeer Wasti ku rafet la woon, waaye Buur bi Asurerus dina ko rampalaase ak Esteer ngir mu nekk lingeer bu bees bi. Lu tax ?
NETTALI 83
Miiru Yerusalem Yi
Bu ñuy tabaxaat miir bi, tabaxkat yi soxlawoon nañu waajal seeni jaasi ak seeni xéej guddi ak bëccëg.
