MIDID 5
Dzú ni séeyibu Babilonia hasta dzú ni bisaʼyibu muros ni nap Jerusalén
Laʼga israelitas goyoʼyibu xomod buñ ni noʼ press lainy Babilonia, xiroʼ prueby goyoʼ fe xtunyibu. Bisalyibu Sadrac, Mesac né Abednego lainy horno laguii, per Dios bilaa layibu. Diti xidzú, órni Babilonia biab ladxña medos né ladxña persas, goyoʼ ni bisal Daniel lainy xcarió betz ons, per Dios bisieg roʼ betz ons, modreʼ bilaabu Daniel.
Bidxin midid, buñguieeu ni rony mandary Persia ni laa Ciro biduidy lagary nareʼ israelitas. Layibu bibiguetyibu Jerusalén nontís goyaʼ 70 íz de goló goyoʼyibu Babilonia. Toibtica cós ni nirdiguié bunyibu órni bidxinyibu, ngú yoʼ xiroʼ ro rac adorar Jehová. Per ni maca xi enemigyibu bicaa ló xchiinyibu. Por ngú godudy veintidós íz ni ma noyibu Jerusalén labúu bilox bisaʼyibu yoʼ xiroʼ ro rac adorar Jehová.
Láaca guisuidyno ximod nga góc par bibiguet Esdras Jerusalén par gony móz yoʼ xiroʼ ro rac adorar Jehová. Dxiinreʼ gosaloni 47 íz de goló bilox goyaʼ yoʼ xiroʼ reʼ. Ór cú, trece íz de goló bidxin Esdras Jerusalén, Nehemías racné par guilísyibu muros ni nap Jerusalén. Midid GÁAY rasaʼni 152 íz ló historia.
LÓ MIDID REʼ
HISTORIA 79
Daniel lad betz ons
Góc mandary que ñaity Daniel, per, ¿noʼ ni labúu ñonybu par diti ñoʼbu lainy xcarió betz la?
HISTORIA 80
Israel careʼ Babilonia
Góc ni ná profecía que Ciro nanitlóbu Babilonia per nigoreʼ Ciro láaca cayonybu ni ná stoib profecía.
HISTORIA 81
Confianz que Jehová racné
Israelitas bisobdiitzyibu Dios diti a buñgudxlio. ¿Sacné Dios layibu la?
HISTORIA 82
Mardoqueo né Ester
Vasti gócbu toib gonaʼ móz ná scú, ¿xigony golú Asuero a Ester par ñoʼ xalagarybu?
HISTORIA 83
Muros ni nap Jerusalén
Israelitas ni casaʼ muros xtuny Jerusalén láaca caʼyibu espad xtunyibu rodzu né gueʼel.