TSʼOʼOK u máan óoliʼ kaʼapʼéel jaʼab lúubuk Babilonia tu kʼab le medoʼob yéetel le persaʼoboʼ. ¡Beooraaʼ ilawil baʼax ku yúuchul! Le israelitaʼoboʼ táan u jóoʼloʼob Babilonia. ¿Bix úuchik? ¿Máax jóoʼskoʼob?

Ciro, u reyil Persia. Maʼiliʼ síijik Ciroeʼ, Jéeobaeʼ tiaʼalaj tiʼ profeta Isaías ka u tsʼíibt lelaʼ: Techeʼ yaan a beetik baʼax in kʼáat. Le joonaʼoboʼ yaan u pʼáatal jeʼekʼabil yoʼolal a chʼaʼik le noj kaajoʼ. Ciro túuneʼ tu beetaj jeʼex aʼalaʼabikoʼ. Le medoʼob yéetel le persaʼoboʼ áakʼab ka ookoʼob tu noj kaajil Babilonia tu joonailoʼob pʼataʼab jeʼekʼabiloʼ.

Baʼaleʼ Isaíaseʼ tiaʼalaj xan: Ciroeʼ yaan u yaʼalik ka jel beetaʼak u kaajil Jerusalén yéetel u temploi. ¿Bey wa úuchik u beetik Cirooʼ? Beyoʼ, tumen letiʼe tiaʼalaj tiʼe israelitaʼoboʼ: Xeeneʼex Jerusalén, jel beeteʼex u templo a Dioseʼexiʼ. Lelaʼ letiʼe baʼax ku bin u beet le israelitaʼoboʼ.

Baʼaleʼ maʼ tuláakal le israelitaʼob yanoʼob Babilonia kun páajtal u binoʼob tu kaajil Jerusalenoʼ, tumen jach náach u xíimbalil, 800 kilómetros u náachil, yaʼab tiʼobeʼ maʼ tu páajtal u xíimbalkoʼob tumen tsʼoʼok u chʼíijloʼob yéetel yaan xan kʼojaʼanoʼobiʼ. Yanoʼob xaneʼ yaan uláakʼ baʼax óolal maʼ tu páajtal u binoʼob. Baʼaleʼ Ciroeʼ tiaʼalaj tiʼe máaxoʼob maʼ kun binoʼoboʼ: Síiʼex plata, oro yéetel uláakʼ baʼaloʼob tiʼe máaxoʼob kun bin u yutskíintoʼob Jerusalén yéetel u temploiloʼ.

Le israelitaʼob túun suunajoʼob Jerusalenoʼ yaʼab baʼax siʼibtiʼob. Ciro xaneʼ tu tsʼáaj u bisoʼob le nukuch tazaʼob yéetel le copaʼob tu chʼaʼaj Nabucodonosor tu templo Jéeoba, le ka tu xuʼulsaj tiʼ Jerusaleneʼ. Jach yaʼab baʼaloʼob tu bisoʼob.

Kampʼéel mes joʼopʼok u bin le israelitaʼob ka kʼuchoʼob Jerusalenoʼ, jach le ka tu tsʼáaj setenta jaʼaboʼob xuʼulsaʼak tiʼe noj kaaj yéetel minaʼanchajak u kajnáaliloʼoboʼ. Baʼaleʼ kex tsʼoʼok u suut le israelitaʼob tu luʼumiloʼoboʼ, yaan u yilkoʼob yaʼab talmiloʼob, jeʼex ken k-ilaʼ.