DEEL 6
Van Jesus se geboorte tot sy dood
Die engel Gabriël is na ’n goeie jong vrou met die naam Maria gestuur. Hy het vir haar gesê dat sy ’n kind sou hê wat vir ewig as koning sou regeer. Die kind, Jesus, is in ’n stal gebore waar herders na hom toe gekom het. Later het ’n ster mans uit die Ooste na die jong kind toe gelei. Ons leer wie hulle daardie ster laat sien het en hoe Jesus gered is van die pogings om hom dood te maak.
Daarna sien ons die twaalfjarige Jesus waar hy met die leermeesters in die tempel gesels. Agtien jaar later is Jesus gedoop, en toe het hy begin met die Koninkrykspredikings- en onderrigtingswerk wat God hom na die aarde toe gestuur het om te doen. Om hom met hierdie werk te help, het Jesus 12 mans gekies en hulle sy apostels gemaak.
Jesus het ook baie wonderwerke gedoen. Hy het duisende mense met net ’n paar vissies en ’n paar brode kos gegee. Hy het siekes gesond gemaak en selfs dooies opgewek. Dan leer ons ook van al die dinge wat op die laaste dag van Jesus se lewe met hom gebeur het en hoe hy doodgemaak is. Jesus het omtrent drie en ’n half jaar lank gepreek. DEEL 6 dek net ’n bietjie meer as 34 jaar.
IN HIERDIE GEDEELTE
VERHAAL 84
’n Engel kom na Maria toe
Hy bring ’n boodskap van God: Maria gaan ’n baba hê wat vir ewig koning gaan wees.
VERHAAL 85
Jesus word in ’n stal gebore
Waarom sou ’n toekomstige koning gebore word waar diere gevoer word?
VERHAAL 86
Mans gelei deur ’n ster
Wie het die sterrewiggelaars na Jesus gelei? Die antwoord sal jou dalk verras.
VERHAAL 87
Jong Jesus in die tempel
Hy het iets wat selfs die leermeesters by die tempel verstom het.
VERHAAL 88
Johannes doop vir Jesus
Johannes het sondaars gedoop, maar Jesus het nooit gesondig nie. Waarom het Johannes hom dan gedoop?
VERHAAL 90
Die vrou by die put
Hoe kan die water wat Jesus haar aanbied, verhoed dat sy ooit weer dors word?
VERHAAL 92
Jesus wek dooies op
Met behulp van God se heilige gees het Jesus Jaïrus se dogter met twee eenvoudige woorde opgewek.
VERHAAL 94
Hy is lief vir kindertjies
Jesus leer die apostels dat hulle baie het om te leer, nie net oor die kinders nie, maar ook by die kinders.
VERHAAL 95
Hoe Jesus ander leer
Jesus se gelykenis van die goeie Samaritaan is ’n voorbeeld van die onderrigstyl wat hy die meeste gebruik het.
VERHAAL 97
Jesus kom as koning
Groot skares verwelkom Jesus, maar nie almal is gelukkig hieroor nie.
VERHAAL 99
In ’n bokamer
Waarom sê Jesus vir die dissipels om elke jaar hierdie spesiale herdenking te hou?
VERHAAL 101
Jesus word doodgemaak
Terwyl Jesus aan die paal doodgaan, maak hy ’n belofte oor die paradys.