6 TROKIÑ
Jesu ñi choyüngen, ka ñi puwün ñi lan mu
Tati werken püllü Gabriel pingelu werküngey kiñe küme üllcha domo Maria pingelu. Kidu feypifi ta Maria: ‘Nieaymi kiñe püñeñ tañi rumel (turpu) ngünenieal kiñe rey reke.’ Ti püñeñ, Jesu, choyüngelu (lleglu) kiñe kulliñ ruka mew, feymu kiñeke ufisa kamañ (ngünenielu ufisa) ñi pemeetew (kintulmeetew). Fey wüla, kiñeke wentru mülelu tripawe antü püle, adkünueyew kiñe wangülen chew ñi mülen chi pichiche. Kimafiyiñ iney (iñi) pengeleleyew tati wangülen, ka chumngechi montuy Jesu tañi küpa langümngefel.
Fey wüla, peiñ Jesu, nielu mari epu tripantu, nütramkamekefi pu kimeltuchefe ti ngillatuwe ruka mu. Rupalu mari pura tripantu mew Jesu fawtisangey, ka feymu llituy ti küdaw ñi amul dungual, feymu lle Ngünechen werküeyew tüfachi Mapu ñi kimeltuafiel ta che ti Reyno mu. Jesu dullifi (ngümintufi) mari epu wentru ñi apostol ngerpual, ñi kelluaetew tüfachi küdaw mu.
Jesu ka femi fentren afmatun dungu. Ilelfi fentren che kiñe mufü challwa ka kiñe mufü kofke mew müten. Tremolfi (mongelfi) tati pu kutran, ka wiñomongeltufi tati pu la. Af mew, kimafiyiñ fentren dungu ñi rupan Jesu feychi antü mew ñi langümngen, ka chumngechi langümngey. Jesu amuldunguy küla rangiñ tripantu mu, ka femngechi ti KAYU TROKIÑ ruparkey doy küla mari meli tripantu mu.
TÜFACHI TROQUIÑ MU
NÜTRAM 84
Kiñe werken püllü amuy ñi pemeafiel Maria
Feypilelfi kiñe werken dungu Ngünechen mu küpalu: Maria niepüñeñay kiñe wentru püñeñ, rumel longko ülmen-ngeay.
NÜTRAM 85
Jesu choyüngey kiñe ruka kulliñ mew
¿Chumngelu kiñe longko ülmen elkünungey ñi choyüngeal chew ñi ikemum pu kulliñ?
NÜTRAM 86
Inayngün kiñe wangülen
¿Iney am ngüyulfi tati pu kimke wentru Jesu mu? Afmatuleweaymi kimal ti dungu.
NÜTRAM 87
Tati pichi wentru Jesu müley ti ngillatuwe ruka mew
Jesu niey kiñe dungu ñi afmatulelfiel tati pu füchakeche kimeltukelu ngillatuwe ruka mu.
NÜTRAM 88
Juan fawtisafi ta Jesu
Juan fawtisakey tati pu kulpanchefe, welu Jesu kulpanchengelafuy. ¿Chumngelu Juan fawtisafi?
NÜTRAM 89
Jesu liftuy tati ngillatuwe ruka
Jesu fente tañi piwkeyen mu, rume illkukefuy küme femnolu ti dungu.
NÜTRAM 91
Jesu kimeltuy kiñe fütra wingkul mu
Kimnge kümeke ngülam tuwlu ti Wewpin Fütra Wingkul mu.
NÜTRAM 92
Jesu wiñomongeltufi tati pu la
Jesu ngünefilu Ngünechen ñi newen, feypi epu kimfal dungu ka wiñomongeltufi Jairo ñi ñawe.
NÜTRAM 93
Jesu ileltuy fentren che
Ileltufiel mu fentren warangka che, ¿chem falin-ngechi dungu kimeltuy Jesu?
NÜTRAM 94
Jesu piwkeyeniefi tati pu pichikeche
Jesu kimeltufi tati pu apostol müley ñi kimürpuafiel pu pichikeche mew, ka tüfa engün ñi femkeel kütu.
NÜTRAM 95
Chumngechi kimeltukey Jesu
Jesu ñi adentun dungu kiñe küme wentru samaria tuwlu, pengeli chumngechi kimeltukefi ta che.
NÜTRAM 98
Ti Olifu wingkul mew
Jesu feypilelfi meli tañi pu apostol chem dungu rupaleay taiñ antü mu ñi mülen iñchiñ.
NÜTRAM 99
Kiñe wenulechi katrüntüku ruka mew
¿Chumngelu Jesu werkülelfi tañi pu inaniekeetew müley tañi nieal tüfachi sakin iyael fill tripantu?
