Аллаһ, Ҹәбрајыл мәләји Мәрјәм адлы ҝөзәл бир гызын јанына ҝөндәрир. Мәләк гыза дејир ки, онун бир ушағы олаҹаг вә әбәдијјән Падшаһлыг едәҹәк. Ады Иса олан һәмин ушаг төвләдә доғулур. Чобанлар ону ҝөрмәјә ҝәлирләр. Даһа сонра бир улдуз мүнәҹҹимләри шәргдән көрпәнин галдығы јерә ҝәтирир. Биз улдузун кимин тәрәфиндән һәрәкәтә ҝәтирилдији вә Исанын өлүм тәһлүкәсиндән неҹә горундуғу һаггында өјрәнәҹәјик.

Сонра биз 12 јашлы Исаны мәбәддә мүәллимләрлә данышаркән тапырыг. Бундан 18 ил сонра Иса вәфтиз едилиб Аллаһын тапшырдығы ишә — Падшаһлыг һаггында хош хәбәри тәблиғ етмәјә вә инсанлары өјрәтмәјә башлајыр. Иса бу ишдә она көмәк етмәк үчүн 12 киши сечиб, онлары өз һәвариси едир.

Иса бир чох мөҹүзәләр дә едир. О, минләрлә адамы бир нечә балыг вә чөрәклә дојдурур, хәстәләри сағалдыр, һәтта өлүләри дирилдир. Ахырда, өмрүнүн сонунҹу ҝүнү Иса илә нә баш вердији вә неҹә өлдүрүлдүјү һаггында да охујаҹағыг. Иса үч ил јарым тәблиғ етмишди, бу сәбәбдән дә АЛТЫНҸЫ ҺИССӘ 34 илдән бир гәдәр чох вахты әһатә едир.