YƆRƆ 6NAN

K’a ta Yesu wololi la fo ka na se a saya ma

Mɛlɛkɛ Gabriɛl cira npogotigi ɲuman dɔ ma min tun tɔgɔ ye ko Mariyama. Mɛlɛkɛ y’a fɔ Mariyama ye ko a bɛna den sɔrɔ min bɛna kɛ masakɛ ye badaa-badaa. O den ye Yesu ye. A wolola baganmarayɔrɔ dɔ la. Sagagɛnnaw taara a lajɛ o yɔrɔ de la. Kɔfɛ, dolo ye cɛ dɔw ɲɛminɛ ka bɔ kɔrɔn fɛ ka na ni u ye den fitinin yɔrɔ. Mɔgɔ min y’a kɛ o cɛw ka o dolo ye, ani cɛsiri minnu kɛra walisa ka Yesu faga, ani Yesu kisira cogo min na ka bɔ o kow la, an bɛna olu bɛɛ ye.

O kɔfɛ, an bɛna Yesu ye ka kuma karamɔgɔw fɛ Alabatoso kɔnɔ, ka a si to san 12 la. San tan ni segin o kɔfɛ, Yesu batisera. Ala y’a ci dugukolo kan ka baara min kɛ, Yesu ye o daminɛ. O baara tun ye ka Masaya waajuli kɛ ani ka mɔgɔw kalan. Yesu ye cɛ 12 ta ka olu kɛ a ka cidenw ye walisa olu k’a dɛmɛ o baara la.

Yesu ye kabako caman fana kɛ. A ye dumuni di mɔgɔ ba caman ma ni jɛgɛ misɛnnin damadɔw, ani ni nburukun daamadɔw dɔrɔn ye. A ye banabagatɔw kɛnɛya, ka suw yɛrɛ kunun. A laban na, fɛn caman minnu kɛra Yesu la a ka don laban na, ani a fagara cogo min na, an bɛna olu ye. Yesu ye waajuli kɛ san saba ni tila kɔnɔ. O la sa, ko minnu kɛra san 34 ni kɔ kɔnɔna na, YƆRƆ 6NAN bɛ kuma o de kan.