Fánreinti 6

Nasirua lan Hesusu darí lounwen

Óunahouati ánheli Gabüriéli tumoun aban nibureintu buitu gíritu María. Aba lariñagun tun gasaaniboun lan aban irahü le lunbei lagumadihan keisi urúei lun súnwandan. Tidan aban muna to ñein lubéi hareidahoua animaalugu, nasirua lan Hesusu le tiráü, ñein houdin fiú hóuniri mudún bisidei. Lárigiñe, aba tadundehaniña aban waruguma wügüriña ha ñǘbuinbaña luéigiñe oubaü le ñéingiñe lubéi laboucha Weyu chülǘ lumoun Hesusu. Wafurendeiruba ka lan arihagüdübarun waruguma houn, luma ida liña lesefurun Hesusu luéi áfaaguni le hadügübei lun háfaruni.

Lárigiñe, dariwati Hesusu, dan le 12 lubéi irumu lau, adimureha hama máisturugu tidan ténpulu. Disiwídü irumu lárigiñe aba labadiseirun Hesusu, ábati lagumeseruni apurichihani luma arufudahani luáguti larúeihan Bungiu, ladüga lun le lóunahei Bungiu Ubouagun. Lun híderaguni lidan wadagimanu le, anúadirati Hesusu 12 wügüriña aba ladügüniña lánigume apostolugu.

Adügati giñe Hesusu bandi milaguru. Hóugüdati saragu milu gürigia háurügü fiú úduraü tuma fiú fein. Areidaguagüdati sánditiña, saragüda ligía hilaaña. Lagumuhóun, furendeitiwa luagu bandi katei le asuseredubei lun lidan lagumuhóun luéyuri libagari, luma ida liña lan háfaruni. Apurichihati Hesusu luagu ǘrüwa irumu dimi, ligíati lidan FÁNREINTI 6 le, anihein lóugiñe 34 irumu abahüdaguni.