PÁRTE 6
Onase guive Jesús omano meve
Pe ánhel Gabriel oñemondo peteĩ kuñataĩ ipyʼaporãva rendápe, hérava María. Heʼi chupe imembytaha peteĩ mitãkuimbaʼe haʼétava rréi ha ogovernátava opa ára g̃uarã. María memby héra Jesús, ha onase umi mymba ojeguerekohápe. Upépe ovisita chupe umi pastorkuéra. Upéi, peteĩ estrélla ogia umi kuimbaʼépe oúva Oriéntegui pe mitã oĩhápe. Ñaaprende mávapa ohechauka chupekuéra pe estrélla, ha mbaʼéichapa Jesús ojesalva umi ojukasévagui chupe.
Upéi, jatopa Jesúspe oguerekórõ guare 12 áño oñemongeta jave témplope mboʼeharakuéra ndive. Dieciocho áño ohasa rire, Jesús ojevautisa, ha oñepyrũ opredika ha omboʼe Rréinogui. Upevarã Ñandejára ombouvaʼekue chupe ko Yvy ape ári. Oipytyvõ hag̃ua chupe ko tembiapópe, Jesús oiporavo 12 kuimbaʼe ha ojapo chuguikuéra ijapóstol.
Jesús avei ojapo heta milágro. Omongaru hetaitereípe oiporúvo mbovymi piraʼi ha pán. Omonguera umi hasývape ha omopuʼã avei omanovaʼekuépe. Ipahápe, ñaaprende heta mbaʼe ojehuvaʼekue Jesúspe pe último día omano mboyve, ha mbaʼéichapa ojejuka. Jesús opredikavaʼekue tres áño ha seis mése rupi, upévare PÁRTE 6 omombeʼu umi oikovaʼekue 34 áño rasamíme.
KO PÁRTEPE
ISTÓRIA 84
Peteĩ ánhel ovisita Maríape
Ñandejára ombou ánhel Gabriélpe omombeʼu hag̃ua Maríape imembytaha ha pe mitãgui oikotaha rréi pára siémpre.
ISTÓRIA 85
Jesús onase umi mymba ojeguerekohápe
¿Mbaʼérepa peteĩ rreirã onase peteĩ lugár oñemongaruhápe animál?
ISTÓRIA 86
Peteĩ estrélla ogia kuimbaʼekuérape
¿Mávapa ogia umi astrólogope oho hag̃ua Jesús rendápe?
ISTÓRIA 87
Jesús imitãme ohórõ guare témplope
¿Mbaʼérepa umi mboʼehára oĩva pe témplope ohecharamoiterei vaʼekue Jesúspe?
ISTÓRIA 88
Juan ovautisa Jesúspe
Juan el Bautista ovautisa hína kuri umi pekadórpe, ha ovautisa avei Jesúspe. Péro Jesús ningo núnka ndopekái, ¿mbaʼérepa upéicharõ ojevautisa?
ISTÓRIA 90
Pe kuña ndive ykua ypýpe
¿Mbaʼérepa Jesús heʼi peteĩ samaritánape ikatuha omeʼẽ chupe y oporomoingovéva?
ISTÓRIA 91
Jesús oporomboʼe peteĩ montáñape
Umi konsého Jesús omeʼẽ vaʼekue pe Sermón del Móntepe ideprovécho koʼag̃aite peve.
ISTÓRIA 92
Jesús omoingove jey omanovaʼekuépe
Ñandejára podér rupive, Jesús omoingove jey Jairo rajýpe.
ISTÓRIA 93
Jesús omongaru heta héntepe
¿Mbaʼépa ohechauka Jesús omongarúrõ guare hetaiterei persónape?
ISTÓRIA 94
Jesús ohayhu mitãnguérape
Jesús ohechauka umi apóstol ikatuha oaprende heta mbaʼe umi mitãgui.
ISTÓRIA 95
Mbaʼéichapa oporomboʼevaʼekue Jesús
Jesús siémpre oipuru vaʼekue ehémplo oporomboʼe hag̃ua. Peteĩ vuéltape, omombeʼu peteĩ káso oñeʼẽva peteĩ samaritáno ipyʼaporãvare.
ISTÓRIA 97
Jesús ou rréiramo
Heta hénte orresivi Jesúspe oikérõ guare Jerusalénpe, péro algúnope ndogustapái upéva.
ISTÓRIA 98
Pe mónte de lós olívospe
Jesús oñeʼẽ cuatro ijapóstol ndive heta mbaʼe oñekumplívare hína ñane tiémpope.
ISTÓRIA 99
Peteĩ koty yvate oĩvape
¿Mbaʼérepa Jesús heʼi idisipulokuérape ojapo hag̃ua káda áño pe Séna del Señór?