NKEBI NKE 6
Site n’Ọmụmụ Jizọs Ruo n’Ọnwụ Ya
E zigara mmụọ ozi Gebriel ijekwuru otu nwa agbọghọ ọma aha ya bụ Meri. Ọ gwara ya na ọ ga-amụ nwa nke gaje ịbụ eze ruo mgbe ebighị ebi. A mụrụ nwa ahụ, bụ́ Jizọs, n’ụlọ anụ, bụ́ ebe ndị ọzụzụ atụrụ bịara leta ya. E mesịa, otu kpakpando duuru ndị ikom si n’Ebe Ọwụwa Anyanwụ bịa n’ebe nwata ahụ nọ. Anyị ga-amata onye mere ka ha hụ kpakpando ahụ na ụzọ e si zọpụta Jizọs mgbe a nwara igbu ya.
Ọzọkwa, anyị ga-ahụ Jizọs, mgbe ọ gbara afọ iri na abụọ, ka ọ na-agwa ndị ozizi okwu n’ụlọ nsọ. Afọ iri na asatọ mgbe e mesịrị, e mere Jizọs baptizim, o wee malite ọrụ nke ikwusa na ịkụzi banyere Alaeze ahụ, bụ́ ihe Chineke zitere ya n’ụwa ime. Iji nyere ya aka n’ọrụ a, Jizọs họpụtara ndị ikom iri na abụọ ma mee ha ndịozi ya.
Jizọs rụkwara ọtụtụ ọrụ ebube. O ji azụ̀ nta ole na ole na ógbè achịcha ole na ole nyejuo ọtụtụ puku mmadụ afọ. Ọ gwọrọ ndị ọrịa, ọbụna mee ka ndị nwụrụ anwụ si n’ọnwụ bilie. N’ikpeazụ, anyị ga-amụ banyere ọtụtụ ihe ndị mere Jizọs n’ụbọchị ikpeazụ nke ndụ ya, na ụzọ e si gbuo ya. Jizọs kwusara ozi ọma ihe dị ka afọ atọ na ọkara, ya mere, NKEBI NKE 6 na-akọ ihe mere n’ime oge ji obere ihe karịa afọ iri atọ na anọ.
NÁ NKEBI A
AKỤKỌ NKE 84
Otu Mmụọ Ozi Eleta Meri
O wetaara ya ozi si n’aka Chineke: Meri ga-amụ nwa nwoke ga-achị ruo mgbe ebighị ebi.
AKỤKỌ NKE 86
Ndị Ikom Otu Kpakpando Duziri
Ònye dugara ndị ahụ na-agụ kpakpando n’ebe Jizọs nọ? Azịza ya nwere ike iju gị anya.
AKỤKỌ NKE 87
Mgbe Nwata Bụ́ Jizọs Nọ n’Ụlọ Nsọ
Otú o si mara ihe tụrụ ndị okenye na-akụzi ihe n’ụlọ nsọ n’anya.
AKỤKỌ NKE 88
Jọn Emee Jizọs Baptizim
Jọn nọ na-eme ndị mmehie baptizim, ma Jizọs emetụbeghị mmehie. Gịnịzi mere Jọn ji mee ya baptizim?
AKỤKỌ NKE 90
Mgbe Jizọs na Otu Nwaanyị Nọ n’Akụkụ Olulu Mmiri
Olee otú mmiri Jizọs na-enye ga-esi mee ka akpịrị ghara ịkpọ nwaanyị ahụ nkụ ọzọ?
AKỤKỌ NKE 91
Mgbe Jizọs Na-ezi Ihe n’Elu Ugwu
Mụta ọtụtụ ihe ndị ga-abara gị uru ná ndụ n’Ozizi Elu Ugwu Jizọs.
AKỤKỌ NKE 92
Jizọs Akpọlite Ndị Nwụrụ Anwụ
Jizọs ji ike Chineke kwuo mkpụrụ okwu abụọ ma kpọlite ada Jaịrọs n’ọnwụ.
AKỤKỌ NKE 93
Jizọs Enye Ọtụtụ Mmadụ Nri
Olee otu ihe dị mkpa Jizọs ji inye ọtụtụ puku mmadụ nri kụziere anyị?
AKỤKỌ NKE 94
Jizọs Hụrụ Ụmụntakịrị n’Anya
Jizọs kụziiri ndịozi ya na e nwere ọtụtụ ihe ha ga-amụ banyere ụmụaka, nweekwa ihe ndị ha ga-esi n’aka ụmụaka mụta.
AKỤKỌ NKE 95
Ụzọ Jizọs Si Akụzi Ihe
Ihe atụ ezigbo onye agbata obi ahụ Jizọs mere bụ otu ihe gosiri na Jizọs na-ejikarị ihe atụ akụzi ihe.
AKỤKỌ NKE 97
Jizọs Abịa Dị Ka Eze
Ìgwè mmadụ bịara ịnabata ya, ma ọ bụghị mmadụ niile ka obi dị mma.
AKỤKỌ NKE 99
N’ime Ụlọ Dị n’Ụlọ Elu
Gịnị mere Jizọs ji gwa ndị na-eso ụzọ ya ka ha na-eri nri a pụrụ iche n’afọ ọ bụla?
AKỤKỌ NKE 100
Mgbe Jizọs Nọ n’Ime Ubi A Gbara Ogige
Gịnị mere Judas ji sutu Jizọs ọnụ wee rara ya nye?