HƆƆLƲƲ 6
Kpaɣnɩ Yesu lʋlʋʋ nɛ piwolo ɛ-sɩm wiye
Petiyi tiyiyu Gabrɩyɛɛlɩ pɛlɛ kɩbanʋ weyi payaɣ se Maarɩɩ yɔ, ɛ-cɔlɔ. Eheyi Maarɩɩ se ɛkaɣ lʋlʋʋ pɩɣa nakɛyɛ, kakaɣ kɛʋ wiyaʋ tam. Pɩɣa ŋga lɛ Yesu, palʋlɩ-kɛ kalakʋ nakʋyʋ taa, peeɖe ninɖiɣyaa kɔm pana-kɛ. Pʋwayɩ lɛ, wɩsɩ ɖɩlɩyɛ ɛyaa nabɛyɛ tɩŋ tɩɩŋa nakɛyɛ nɛ powolo pɩɣa ŋga kɔ-cɔlɔ. Ðɩkaɣ naʋ weyi ɛlaba nɛ ɛyaa mba pana tɩɩŋa ŋga yɔ, nɛ ɛzɩma payabɩ Yesu ñʋʋ se pataakʋ-ɩ yɔ.
Ðɩkaɣ ɖɔɖɔ Yesu naʋ eɖiɣni yɔɔdɩnʋʋ wɩlɩyaa Ɛsɔ kuduyuu tɛɛ. Alɩwaatʋ ndʋ tɩ-taa ɛɛwɛnɩ pɩnzɩ 12. Pɩkɔm pɩla pɩnzɩ hiu nɛ lutozo lɛ, pamɩyɩsɩ Yesu lɩm tɛɛ. Peeɖe ɛpaɣzɩ Kewiyaɣ tɔm susuu. Tʋmɩyɛ nɖɩ Ɛsɔ tiyi-i se ɛkɔɔ tɛtʋ yɔɔ nɛ ɛla. Ɛlɩzɩ ɛyaa 12 se pasɩnɩ-ɩ tʋmɩyɛ nɖɩ ɖɩ-labʋ. Ɛyaa mba pasɩnɩ-ɩ yɔ, mba lɛ ɛ-apostoloowaa.
Yesu labɩ ɖɔɖɔ maamaaci lakasɩ sakɩyɛ. Ɛkpaɣ cɛɛkɛ kpakpasɩ nasɩyɩ nɛ kpɔnʋnaa nabɛyɛ nɛ ɛcalɩnɩ ɛyaa kudokiŋ kudokiŋ. Ɛwa kʋdɔndɩnaa, halɩ ɛkʋsɩ sɩɖaa ɖɔɖɔ. Pʋwayɩ lɛ, ɖɩkaɣ yɔɔdʋʋ mbʋ mbʋ pɩtalɩ Yesu ɛ-kɛdɛzaɣ kɩyakɩŋ taa yɔ, nɛ ɛzɩma ɛsɩba yɔ, pɩ-tɔm. Yesu susi tɔm pɩnzɩ naadozo nɛ hɔɔlʋʋ mbʋ yɔ. Ye mbʋ HƆƆLƲƲ 6 yɔɔdʋʋ tɔm ndʋ yɔ, tɩkpaɣ pɩnzɩ nzɩ yɔ sɩcɛzɩ 34 pazɩ.
HƆƆLƲƲ KƲNƐ KƖ-TAA
KƐDAƔ 84
Tiyiyu nɔɔyʋ kɔm Maarɩɩ cɔlɔ
Ɛkɔm se ɛyɔɔdɩ tɔm ndʋ tɩlɩ Ɛsɔ cɔlɔ yɔ: Maarɩɩ kaɣ lʋlʋʋ pɩɣa nɛ kapɩsɩ wiyaʋ tam.
KƐDAƔ 86
Tɩɩŋa nakɛyɛ wɩlɩ abalaa nabɛyɛ nʋmɔʋ
Ayeba nɛ maajiki lakasɩ wɩlɩ Yesu? Tɔm cozuu pɩzɩɣ nɛ pɩɖɩɣzɩ-ŋ.
KƐDAƔ 87
Pɩɣa Yesu wɛ templo taa
Ɛyɔɔdaɣ tɔm nɛ pɩɖɩɣzɩɣ halɩ pɩkpɛndɩnɩ ɛyaa sɔsaa mba pawɩlaɣ tɔm templo taa yɔ.
KƐDAƔ 88
Yohanɛɛsɩ mɩyɩsɩ Yesu lɩm
Yohanɛɛsɩ kaawɛɛ nɛ ɛmɩyɩsɩɣ kɩwɛɛkɩm laɖaa lɩm, ɛlɛ Yesu tɩla kɩwɛɛkɩm wiɖiyi kpa. Ɛbɛ yɔɔ Yohanɛɛsɩ mɩyɩsɩ-ɩ lɩm?
KƐDAƔ 90
Ɛ nɛ Samaarii halʋ pɛwɛ lɔkɔ nɔɔ
Ɛzɩma lɩm mbʋ Yesu haɣ-ɩ yɔ piyeki nɛ lɔkɔtʋ ɛɛtasɩɣ-ɩ ɖɛʋ paa ññɩɩ?
KƐDAƔ 92
Yesu feziɣ sɩɖaa
Ɛsɔ ɖoŋ taa lɛ, Yesu yɔɔdɩ tɔm piye kʋyʋmɖɩyɛ ɖeke nɛ efezi Yayiruusi pɛlɛ.
KƐDAƔ 94
Yesu sɔɔlɩ piya ajamaa
Yesu wɩlɩ apostoloowaa se papɩzɩɣ nɛ pɛkpɛlɩkɩ lɔŋ sakɩyɛ piya cikpesi cɔlɔ nɛ pɩtasɩ lɛ papɩɣ nɛ pɛkpɛlɩkɩ tɔm sakɩyɛ piya yɔɔ.
KƐDAƔ 95
Ɛzɩma Yesu wɩlɩɣ tɔm yɔ
Yesu tuu Samaarɩɩ eduuye nɖɩ yɔ, ɖɩwɩlɩɣ ɛzɩma ɛwɩlaɣ tɔm ɖoŋ ɖoŋ yɔ.
KƐDAƔ 97
Yesu kɔm ɛzɩ wiyaʋ yɔ
Ɛyaa samaɣ sɔsɔɔ nakɛyɛ lakɩ Yesu talɩ ɖeu, ɛlɛ pɩtɩkɛ pa-tɩŋa pa-taa wɛnɩ leleŋ.
KƐDAƔ 99
Ɛsɔdaa ɖaŋ nakʋyʋ taa
Ɛbɛ yɔɔ Yesu heyi ɛ-tɔmkpɛlɩkɩyaa se pɔtɔkɩ ŋgee tɔɔnaɣ ŋga paa pɩnaɣ ŋga?
KƐDAƔ 100
Jesemaanɩ kaɖaɣ taa
Ɛbɛ yɔɔ Yudaasɩ Iskariyɔɔtɩ tɩŋnɩ lɩkpaɣzaɣ yɔɔ mʋzʋʋ yɔɔ nɛ ɛlɩ Yesu wayɩ?
KƐDAƔ 101
Pakʋ Yesu
Alɩwaatʋ ndʋ Yesu wɛ nazɩm sizika yɔɔ yɔ, ɛlabɩ tamaɣ nakɛyɛ pɩlɩɩnɩ paradisuu yɔɔ.