Kipungu 6
Kusemwa kwa Yesu Kufika ne ku Lufu Lwanji
Malaika Ngabaliela bamutumine ku mwanamukazhi wa kishinka Maliya. Wamwambijile’mba ukasema mwana ukekala mfumu myaka ne myaka. Uno mwana Yesu wasemenwe mu kipaka ko bamutaine bakafunga baishile na kumumona. Palutwe kacheche, kabangabanga katangijile banabalume bafumine ku Musela kwibatwala kwajinga mwana. Twayuka walengejile’mba bamone koka kabangabanga, kabiji ne Yesu byo bamupulushishe ku bakebelenga kumwipaya.
Kabiji twafunjile pe Yesu byo ajinga na myaka ya kusemwa 12, kimye kyo esambilenga na bafunjishi ba mu nzubo ya Lesa. Pa kupitapo myaka 18, Yesu wabatizwe, kabiji watendekele mwingilo wa kusapwila Bufumu ne kufunjisha ye bamutumine kwi Lesa kuba’mba engile panopantanda. Pa kumukwashako mu uno mwingilo, Yesu wasajile banabalume 12 ne kwibalenga kwikala ke batumwa banji.
Yesu waubile ne bya kukumya byavula bingi. Wajishishe bantu bavula bingi kwingijishatu masabi achechetu ne bashinkwa bachechetu. Wabukile bantu bakolwanga ne kusangula bafu. Kyapelako, tukafunda bintu byavula byamumwekejile Yesu pa juba japeleleko ja mweo wanji kabiji ne byo bamwipayile. Yesu wasapwijile myaka isatu ne kichika. Onkao mambo, KIPUNGU 6 kyaamba pa bintu byaubiwe mu myaka kukilako pa 34.
BIJI MU KINO KIPUNGU
JISHIMIKILA 84
Malaika Waishile kwi Maliya
Ngabaliela wabuujile Maliya byambo byafumine kwi Lesa amba: Maliya ukasema mwana ukekala mfumu myaka ne myaka.
JISHIMIKILA 85
Yesu Wasemekejilwe mu Kipaka
Mambo ka muntu ukekala mfumu o asemekejilwe mu kijiilamo banyama?
JISHIMIKILA 86
Banabalume Batangijilwe na Kabangabanga
WÑanyi watangijile bano banabalume kwi Yesu? Mwakonsha kukumya pa mukumbu.
JISHIMIKILA 87
Yesu Saka Akiji Mwanyike mu Nzubo ya Lesa
Yesu waambile bintu byakumishe ne bakulumpe bafunjishanga mu nzubo ya Lesa.
JISHIMIKILA 88
Yoano Wabatizhe Yesu
Yoano wabatizhenga bandengamambo, bino Yesu kechi walengelepo mambo ne. pano mambo ka Yoano o amubatizhe?
JISHIMIKILA 89
Yesu Watokesheshe mu Nzubo ya Lesa
Yesu wamwesheshe butemwe bwamulengejile kuzhingila.
JISHIMIKILA 90
Byo Ajinga na Mwanamukazhi ku Mushima
Pano mema aambile Yesu kupa uno mwanamukazhi afwainwe kumulengela byepi kubula kufwanga kilaka?
JISHIMIKILA 91
Yesu byo Afunjishishe pa Mutumba
Funjilaiko bintu byawama bikwasha Yesu byo afunjishe mu jashi ja pa Mutumba.
JISHIMIKILA 92
JYesu Wasangwile Bafu
Kwingijisha bulume bwa Lesa, Yesu waambile byambo bibiji byapeela ne kusangula mwana wa mukazhi wa kwa Yelusa.
JISHIMIKILA 93
Yesu Wajiishishe Bantu Bavula Bingi
Byo ajiishishe bantu bavula mu jishinda ja kukumya, Yesu walumbulwilenga ka?
JISHIMIKILA 94
Watemenwe Baana ba Bacheche
Yesu wafunjishenga batumwa banji kuba’mba bafwainwa kufunjila ku baana ba bacheche.
JISHIMIKILA 95
Jishinda jo Afunjishishengamo Yesu
Kishimpi kya kwa Yesu kya mwina Samaliya kitukwasha kuyuka jishinda jawama jo aingijisha javula pa kufunjisha bantu.
JISHIMIKILA 97
Yesu Waishile Nobe Mfumu
Bantu bavula bingi bamutambwijile Yesu, bino kechi bonse batemenwe pa kino ne.
JISHIMIKILA 98
Pa Mutumba wa Olebeta
Yesu ubena kubuula batumwa banji bana bintu bikamweka mu ano moba etu.
JISHIMIKILA 99
Mu Nzubo ya Peulu
Mambo ka Yesu o abuujijile baana banji ba bwanga kwikala na kino kijiilo jimo pa mwaka pa mwaka?
JISHIMIKILA 100
Yesu byo Ajinga mu Bujimi
Mambo ka Yudasa o asolwejile Yesu kupichila mu kumufyompa?