KIPINDI 6
Kubutulwa kwa Yesu Kutūla ku Lufu Lwandi
Mwikeulu Ngabudyele wātuminwe kudi nsongwakaji mupopoke witwa bu Madia. Wāmulombola’mba ukabutulanga mwana ukekala mulopwe nyeke ne nyeke. Uno mwana, Yesu, wābutwidilwe mu kipombo, mobākamupempwile kudi bakumbi. Kupwa luñenyenye lwāludika bantu bātambile Kutunduka kufika ne kudi mwana’wa. Tukefunda i ani wālupwile luno luñenyenye, ne mwāpandile Yesu ku nkuku ya kwipaibwa.
Kupwa, tukamona Yesu wisamba na bafundiji mu tempelo aye na myaka 12. Myaka dikumi ne mwanda kupita’po, Yesu wābatyijibwa ne kushilula mwingilo wa kusapula ne kufundija Bulopwe wāmutumīne Leza pano pa ntanda. Yesu wātongele bantu 12 ba kumukwasha mu uno mwingilo, wēbatūla ke batumibwa bandi.
Kadi Yesu wālongele bingelengele bivule. Wādishishe tununu twa bantu na tumishipa tutyetye ne mikate mityetye. Wābelwile babela ne kusangula bafwe. Ku mfulo, tukayuka bintu bivule byāfikīle Yesu mu mafuku a mfulo ya būmi bwandi, ne mobāmwipaile. Yesu wāsapwile kubwipi kwa myaka isatu ne kipindi, o mwanda mu KIPINDI 6 mudi myanda yālongekele mu bula bwa kitatyi kya kubwipi kwa myaka 34.
MU KINO KIPINDI
MĀNGA YA 84
Mwikeulu Wapempula Madia
Walombola musapu utamba kudi Leza: Madia usa kubutula mwana ukekala mulopwe nyeke.
MĀNGA YA 85
Yesu Wabutulwa mu Kipombo
Mwanda waka muntu ukekala mulopwe abutwilwe kokwa kobadisha banyema?
MĀNGA YA 86
Bantu Bendejibwa na Luñenyenye
Le i ani waludikīle ba ñeni kudi Yesu? Padi kilondololwa kikakutulumuja.
MĀNGA YA 88
Yoano Ubatyija Yesu
Yoano wādi ubatyija babipya-mambo, ino Yesu kalongele bubi. Mwanda waka Yoano wāmubatyije?
MĀNGA YA 90
Na Mwana-Mukaji ku Mushimwa
Le mema ādi apāna Yesu ādi a kukwasha mwana-mukaji namani aleke kwivwana monka kyumwa?
MĀNGA YA 91
Yesu Ufundija ku Lūlu
Boila neni ku tunangu twampikwa mfulo twa mu Busapudi bwa ku Lūlu.
MĀNGA YA 92
Yesu Usangula Bafwe
Yesu pa kwingidija bukomo bwa Leza, wanenene bishima’tu bibidi, ne kusangula mwanā Yelusa mwana-mukaji.
MĀNGA YA 93
Yesu Udisha Bantu Bavule
Le kudisha kwadishishe Yesu tununu ne tununu twa bantu mu kingelengele kulombola mwanda’ka wa kwamweno?
MĀNGA YA 94
Usenswe Banuke Batyetye
Yesu wafundija batumibwa bandi amba badi na bivule bya kwifunda bitala padi bana ne pa byobalonga.
MĀNGA YA 95
Muswelo Ufundija Yesu
Kyelekejo kya Yesu kya mulunda wa bine mwine Samadia i kimfwa kya bufundiji bwawāingidije divule.
MĀNGA YA 98
Ku Lūlu lwa Impafu
Yesu wasapwila batumibwa bandi banā bintu bilongeka mu ano etu mafuku.
MĀNGA YA 99
Mu Njibo ya Pangala
Mwanda waka Yesu wanenene bana bandi ba bwanga kudya bino bidibwa bya pa bula mwaka ne mwaka?
Tala'po Bidi ne Bino:
BIPANGUJO BYA MU BIBLE BILONDOLWELWE
Le Nsekununi ya Yesu Yālembelwe Kitatyi’ka?
Le Yesu pa kufwa, pāpityile bitatyi binga kupwa bālemba Maevanjile?
