മറിയ എന്ന സത്‌സ്വ​ഭാ​വി​യാ​യ ഒരു യുവതി​യു​ടെ അടുക്ക​ലേക്ക്‌ ദൈവം ഗബ്രീ​യേൽ ദൂതനെ അയച്ചു. എന്നെ​ന്നേ​ക്കും രാജാ​വാ​യി ഭരിക്കാൻ പോകുന്ന ഒരു കുഞ്ഞ്‌ അവൾക്കു ജനിക്കു​മെന്ന്‌ അവൻ അവളോ​ടു പറഞ്ഞു. ആ കുഞ്ഞ്‌ യേശു​വാ​യി​രു​ന്നു. അവൻ ഒരു തൊഴു​ത്തിൽ ജനിച്ചു. ആട്ടിട​യ​ന്മാർ അവിടെ ചെന്ന്‌ അവനെ കണ്ടു. പിന്നീട്‌ കിഴക്കു​നി​ന്നു​ള്ള ചില പുരു​ഷ​ന്മാർക്ക്‌ ഒരു നക്ഷത്രം യേശു​വി​ന്റെ അടുക്ക​ലേ​ക്കു പോകാ​നു​ള്ള വഴി കാണി​ച്ചു​കൊ​ടു​ത്തു. അവർ ആ നക്ഷത്രം കാണു​ന്ന​തിന്‌ ഇടയാ​ക്കി​യത്‌ ആരാ​ണെ​ന്നും യേശു​വി​നെ കൊല്ലു​ന്ന​തി​നു​ള്ള ശ്രമങ്ങ​ളിൽനിന്ന്‌ അവൻ രക്ഷപ്പെ​ട്ടത്‌ എങ്ങനെ​യാ​ണെ​ന്നും നാം കാണുന്നു.

അടുത്ത​താ​യി നമ്മൾ കാണു​ന്നത്‌ ആലയത്തി​ലെ ഉപദേ​ഷ്ടാ​ക്ക​ന്മാ​രു​മാ​യി സംസാ​രി​ക്കു​ന്ന 12 വയസ്സുള്ള യേശു​വി​നെ​യാണ്‌. പതി​നെ​ട്ടു വർഷം കഴിഞ്ഞ്‌ അവൻ സ്‌നാ​പ​ന​മേ​റ്റു. ഉടൻതന്നെ അവൻ ഭൂമി​യിൽ ചെയ്യാ​നാ​യി ദൈവം തന്നെ ഏൽപ്പിച്ച രാജ്യ​പ്ര​സം​ഗ വേലയും പഠിപ്പി​ക്കൽ വേലയും തുടങ്ങി. ഈ വേലയിൽ തന്നെ സഹായി​ക്കാ​നാ​യി യേശു 12 പുരു​ഷ​ന്മാ​രെ തിര​ഞ്ഞെ​ടുത്ത്‌ അവരെ തന്റെ അപ്പൊ​സ്‌ത​ല​ന്മാ​രാ​ക്കി.

യേശു അനേകം അത്ഭുത​ങ്ങ​ളും പ്രവർത്തി​ച്ചു. അവൻ ഏതാനും അപ്പവും കുറച്ചു ചെറിയ മീനും​കൊണ്ട്‌ ആയിര​ക്ക​ണ​ക്കിന്‌ ആളുകൾക്ക്‌ ആഹാരം നൽകി. അവൻ രോഗി​ക​ളെ സുഖ​പ്പെ​ടു​ത്തു​ക​യും മരിച്ച​വ​രെ ഉയിർപ്പി​ക്കു​ക​പോ​ലും ചെയ്‌തു. അവസാ​ന​മാ​യി, യേശു​വി​ന്റെ ജീവി​ത​ത്തി​ന്റെ അവസാന ദിവസം സംഭവിച്ച അനേകം കാര്യ​ങ്ങ​ളെ​ക്കു​റി​ച്ചും അവൻ കൊല്ല​പ്പെട്ട വിധ​ത്തെ​ക്കു​റി​ച്ചും നമ്മൾ മനസ്സി​ലാ​ക്കു​ന്നു. യേശു ഏതാണ്ട്‌ മൂന്നര വർഷക്കാ​ലം പ്രസം​ഗി​ച്ചു. അങ്ങനെ, 34-ലധികം വർഷത്തെ സംഭവങ്ങൾ നമ്മൾ 6-ാം ഭാഗത്ത്‌ കാണുന്നു.