TAXELOL 6

Peua keman nemik Jesús uan tami keman momikilij

Ángel Gabriel kititankej maj kiitati se kuali ichpoch tein motokaytij María. Yej kiiluij ika kipiaskia se konet tein tayekanaskia kemej tekiuaj nochipaya. Konet Jesús, nemik kampa kineuayaj tapialmej, uan ompa seki ichkatajpianij kiitatoj. Satepan, se sitalij kinojtokaltij seki takamej tein ualayaj Tonalkisayampa, uan kinajxitij kampa yetoya konet. Timomachtiskej akoni kinitaltij nejon sitalij, uan keniuj momakixtij Jesús maski kitemouayaj keniuj kimiktiskej.

Satepan, keman Jesús kipiaya 12 xiujmej, tajtojtoya imiuan tamachtianij itech templo. Ompa, 18 xiujmej satepan, Jesús moauij, uan ijkuak peuak tanojnotsa uan tamachtia ika Tekiuajyot, se tekit tein Dios kinauatij maj kichiuaki nikan Taltikpak. Satepan, Jesús kinijitak 12 takamej maj kipaleuianij ika nejon tekit.

Jesús no kichiuak miak mouiskatekimej. Kintamakak miakej taltikpakneminij sayoj ika se ome eyi amichimej uan ika se ome eyi koyotaxkalmej. Kinpajtij kokoyanij, uan no kinajokuik mikemej. Ika tamis, timomachtiskej miak taman tein kipanok Jesús keman yaya tamiti inemilis, uan keniuj kimiktijkej. Jesús tanojnotsak kemej eyi xiuit uan tajko, yejika itech Taxelol CHIKUASEN panok tepitsin 34 xiujmej.