POAT #6
Von Jesus siene Jeburt bat sienen Doot
De Enjel Gabriel wort no eene feine junge Mejal jeschekjt, dee Maria heet. Hee säd to ar, see wudd een Kjint haben, waut fa emma wudd aus Kjennich rejieren. Daut Kjint wia Jesus. Hee wort en eenen Staul jebuaren, wua eenje Hoads am kjeemen besieekjen. Lota leid een Stiern eenje Mana vom Oosten no daut kjliene Kjint. Wie woaren seenen, wäa dit Stiern jeschekjt haud un woo Jesus beschizt wort, aus am wäa ombrinjen wull.
Aus Jesus twalf Joa oolt wia, vetald hee met de Lierasch em Tempel. 18 Joa lota leet hee sikj deepen un funk aun, Gott sien Kjennichrikj to prädjen un de Menschen to lieren, wiels doatoo haud Gott am no de Ieed jeschekjt. Jesus wäld sikj twalf Mana ut un muak dee to siene Apostel. Dee sullen am bie dise Oabeit halpen.
Jesus deed uk väle Wunda. Hee jeef dusende Menschen to äten met mau bloos een poa Fesch un een poa Stekja Broot. Hee deed Kranke heelen un Doodje oppwakjen. Tolatst woa wie noch lieren, waut Jesus aun dän latsten Dach ver sienen Doot beläwd un woo hee omjebrocht wort. Hee deed ojjefäa dreeunhaulf Joa prädjen. En daut Poat #6 jeit daut om eene Tiet von een bät mea aus 34 Joa.
EN DIT POAT
JESCHICHT #84
Een Enjel kjemt no Maria
De Enjel bringt eene Norecht von Gott. Maria woat een Bäbe haben un daut woat noch mol fa emma Kjennich sennen.
JESCHICHT #85
Jesus woat en eenen Staul jebuaren
Wuarom wudd een Kjint, waut noch mol wudd Kjennich sennen, en een Staul jebuaren woaren?
JESCHICHT #86
Mana foljen een Stiern
Wäa wees de Stiernforscha no Jesus? Veleicht woascht du die wundren, waut de Auntwuat es.
JESCHICHT #87
Jesus aus nata Jung em Tempel
Jesus haft waut, wua mau rajcht de Eltestasch, waut em Tempel deenen, äwa vewundat wieren.
JESCHICHT #88
Johanes deit Jesus deepen
Johanes deed de Sinda deepen, oba Jesus deed kjeenmol sindjen. Wuarom deept Johanes am dan?
JESCHICHT #91
Jesus lieet opp eenen Boajch
Jesus jeft Rot, waut doa emma un aulawäajen to brucken es
JESCHICHT #92
Jesus wakjt Doodje opp
Derch Gott siene Macht kunn Jesus Jairus siene Dochta vom Doot oppwakjen. Hee brukt bloos twee Wieed sajen.
JESCHICHT #93
Jesus jeft väle Menschen to äten
Waut bewees Jesus doaderch, daut hee dusende to äten jeef?
JESCHICHT #94
Jesus räakjent Kjinja väl
Jesus moakt de Apostel dietlich, daut see väl von de Kjinja lieren kjennen, nich bloos von de kjliene Kjinja, oba uk von de jratre.
JESCHICHT #95
Woo Jesus aundre lieet
Daut Jlikjnis von dän metliedenden Samarita es een Biespel doafäa, woo Jesus foaken lieed.
JESCHICHT #98
Opp dän Oliewenboajch
Jesus räd met vea von siene Apostel äwa daut, waut en de vondoagsche Tiet passieet.
JESCHICHT #99
En eene Bowastow
Wuarom sajcht Jesus to siene Jinja, see sellen dit besondre Owentmol jieda Joa hoolen?
JESCHICHT #101
Jesus woat omjebrocht
Äwadäm, waut Jesus aun dän Pol honk, aun dän hee storf, vespruak hee een Paradies.