Suqta kaq tanta

Jesús nacekusqanmantapacha wañupunankama

Diosninchik ángel Gabrielta Mariawan parlananpaq kacharqa. Gabrielqa Mariata nirqa, ‘wawitata nacechikunki paytaq rey kanqa’, nispa. Chay wawitataq uywap puñunanpi nacekurqa. Michiqkunaqa wawata waturikuq rirqanku. Juk chʼaskataq wakin qharista Jesusta tarinankupaq pusarqa. Pichus chay chʼaskata rikhurichisqanta yachakusunchik. Chantapis, imaynatachus Jesús wañuchinankumanta salvakurqa.

Jesús 12 watayuq kachkaspa templomanta yachachiqkunata tʼukurichisqanta rikusunchik. Chaymanta 18 watanman Jesús Bautizakuspa, Diospa Reinonmanta willayta, yachachiyta ima qallarisqanta rikullasuntaq. Chaypaq Diosninchik Jesusta Jallpʼaman kachamusqa. Jesusqa yanapachikunapaq 12 runata apostolesnin kanankupaq akllakurqa.

Jesús achkha milagrosta ruwarqa. Juk chhika challwawan, juk chhika tʼantallawan, may chhika runata mikhuchirqa. Unqusqasta jampirqa, wañusqasta kawsarichirqa. Chantapis wañuchinapaq imatachus ruwasqankuta, wañuchisqankutapis yachasunchik. Jesusqa 3 wata khuskanniyuqta yachachirqa. Kay SUQTA kaq tantaqa, 34 watakunamanta willawanchik.