Fizarà 6

Fotoa Nahaterahan’i Jesosy Zisiky amy Nahafatesane

Nirahy ho amy somonjara, ampela soa atao hoe Maria zay, ty anjele Gabriela. Nivòla tamin’i Maria ie, fa hanan’anake Maria, ka ho mpanjaka mandrakizay anane io. Jesosy ty anaran’ajà io. Naterake tan-tranon’aomby tao Jesosy, ka nisy mpiarake aondry nisafo aze tao. Laha fa tafarafara atoy, le nisy kinta raike zay nitarike olo baka antinàna ane, ho amy anak’ajà io ao. Hianarantsika hoe ia ro nanampy an-droze hahita kinta io, noho ty fomba nanavòta an’i Jesosy, laha fa nisy olo ta hamono aze.

Laha fa vita zay, le ho hitantsika Jesosy, tamin’ie mbo ni-12 tao, niresake tamy mpampianatse tamy tempoly tao. Natao batisa ie 18 tao tafara atoy, bakeo nanomboke nitory noho nampianatse raha mikasike ty Fanjakà-Ndranahare, satria zay ro naniràha aze ho an-tany etoy. Nifìly lahilahy 12 ie mba hanampe aze tami’ty asa nataone. Apostoly ty ikaìha an-droze reo.

Nanao fahagagà maro kea Jesosy. Nanome hany olo fa ho arivo mahery Jesosy, ka fia noho mofo vitsivitsy avao ro nampiasàne tamin’io. Nanafake aretin’olo maro Jesosy, sady novelomine ty olo fa nimaty. Mbo hianarantsika laha fa afara ao, ty raha nahazo an’i Jesosy tamy fotoa faramparane niaìnane, noho ty fomba namonòa aze. Nitory tanaty telo tao noho tampane teo ho eo Jesosy. Ka Fizarà FAHAENY toy laha atambatse le mitantara ty raha niseho tanaty 34 tao mahery.