INCENYE 6
Kusukela Ekutalweni KwaJesu Kuye Ekufeni Kwakhe
Ingilosi Gabriyeli yatfunywa entfombini lelungile lenguMariya. Yamtjela kutsi utawuba nemntfwana lotawuba yinkhosi kuze kube phakadze. Lomntfwana longuJesu watalelwa esitebeleni, lapho belusi bamvakashela khona. Kwatsi ngemuva kwaloko, inkhanyeti yaholela emadvodza lavela eMphumalanga kuloluswane. Siyafundza kutsi ngubani lowenta kutsi lamadvodza abone lenkhanyeti, nekutsi Jesu wavikelwa kanjani emetamweni yekumbulala.
Ngalokulandzelako, sibona Jesu ngesikhatsi aneminyaka lengu-12, akhuluma nebafundzisi ethempelini. Ngemuva kweminyaka lengu-18 wabhajatiswa futsi wacala kwenta umsebenti Nkulunkulu labemtfume wona, wekushumayela ngeMbuso. Jesu wakhetsa emadvodza langu-12 kutsi abambisane naye kulomsebenti, wawenta baphostoli.
Jesu waphindze wenta timangaliso letinyenti. Wesutsisa tinkhulungwane tebantfu ngetinhlanti kanye netinkhwa letimbalwa. Welapha labagulako waphindze wavusa labafile. Ekugcineni sifundza ngetintfo letinyenti letenteka lapho sekatawukufa, nekutsi wabulawa kanjani. Jesu washumayela iminyaka lecishe ibe mitsatfu nencenye. Ngako-ke, INCENYE 6 ihlanganisa sikhatsi lesingetudlwana kweminyaka lengu-34.
LOKUKULELIKHASI
INDZABA 84
Ingilosi Ivakashela Mariya
Itfunywe nguNkulunkulu kutsi itjele Mariya kutsi utawutala umntfwana lotawuba yiNkhosi phakadze.
INDZABA 85
Jesu Utalelwa Esitebeleni
Kungani Jesu atalelwa endzaweni lapho kubekwa khona kudla kwetilwane?
INDZABA 86
Emadvodza Aholwa Yinkhanyeti
Ngubani lobekacondzisa lamadvodza kuJesu? Imphendvulo ingase ikumangalise.
INDZABA 87
Jesu Losengumfana Usethempelini
Jesu umangalisa ngisho nemadvodza lamadzala lafundzisa ethempelini.
INDZABA 88
Johane Ubhabhatisa Jesu
Johane abesolo abhabhatisa bantfu labanesono, kodvwa Jesu bekete sono. Johane wambhabhatiselana Jesu?
INDZABA 90
Jesu Ukanye Nemfati WaseSamariya Emtfonjeni
Emanti laphetfwe nguJesu angamsita njani lomfati kutsi angaphindze ome?
INDZABA 91
Jesu Ufundzisa Entsabeni
Tifundzele ngekuhlakanipha lokungaphelelwa sikhatsi lokutfolakala emavini lashiwo nguJesu nakashumayela entsabeni.
INDZABA 92
Jesu Uvusa Labafile
Jesu wasebentisa emandla aNkulunkulu, washo emagama lamabili wase uvusa indvodzakati yaJayiru.
INDZABA 94
Jesu Uyabatsandza Bantfwana
Jesu watsi kunyenti bafundzi bakhe labangakufundza kubantfwana labancane.
INDZABA 95
Indlela YaJesu Yekufundzisa
Umfanekiso waJesu wemSamariya lolungile usibonelo sendlela Jesu labekavame kufundzisa ngayo.
INDZABA 98
ENtsabeni YeMincuma
Jesu utjela baphostoli bakhe labane ngaloko lokutakwenteka esikhatsini salamuhla.
INDZABA 99
Ekamelweni Lelisetulu
Yini leyenta Jesu watjela bafundzi bakhe kutsi babe nesidlo lesikhetsekile umnyaka ngemnyaka?
