6-нҗы бөлүм

Исаның доглушындан, тә өлүмине ченли

Худай Меръем атлы бир гөзел гызың янына Җебрайыл перишдәни иберйәр. Перишде Меръеме огул догурҗакдыгыны ве оглуның патыша болуп, бакы хөкүм сүрҗекдигини айдяр. Шол чага, ягны Иса пыгамбер малятакда догуляр. Чопанлар оны гөрмәге баряр. Соңра бир йылдыз Гүндогардан гелйән адамлары ол ере элтйәр. Олара йылдызы кимиң гөркезендигини хем-де Исаның өлүмден нәдип халас боландыгыны билерис.

Соңра биз 12 яшлы Исаның ыбадатханада мугаллымлар билен эден гүррүңи барада окарыс. 18 йылдан Иса сувда чокундырылып, Худайың табшыран ишине, ягны Патышалык барада адамлара вагыз этмәге башлаяр. Бу ише көмек эдер ялы, 12 саны адамы өзүне ресул сайлаяр.

Шейле хем, Иса бирнәче гудрат гөркезйәр. Ол мүңлерче адамы бирнәче чөрек ве балыҗак билен доюряр. Сыркавлары сагалдып, хатда өлен адамлары хем дирелдйәр. Шу бөлүмиң ахырында Исаның өмрүниң соңкы гүнлеринде болан затлары ве оны нәдип өлдүрендиклери барада билерис. Иса үч ярым йыла голай вагыз этди. Шонуң үчин АЛТЫНҖЫ бөлүм 34 йылдан көпрәк вагты өз ичине аляр.