CIGAŴA 6
Kubabika kwa Yesu Mupaka pa Nyifwa Yake
Mungelo Gabriyeli wakatumika kwa mwali muwemi zina lake Mariya. Wakamuphalira kuti waŵenge na mwana uyo wazamuwusa nga ni Fumu kwamuyirayira. Mwana uyu, Yesu, wakababikira mu ciŵaya, uko ŵaliska ŵakiza kuzakamuwona. Pamanyuma pake, ŵanalume ŵa Kumafumiro gha dazi ŵakalongozgeka na nyenyezi kuti ŵize kwa mwana uyu. Tisambirenge uyo wakapangiska kuti ŵanalume aŵa ŵawone nyenyezi iyi, na umo Yesu wakathaskikira ku awo ŵakayezgayezga kuti ŵamukome.
Kufumira apa, tisambirengeso za Yesu apo wakaŵa na vilimika 12, apo wakayowoyanga na ŵasambizgi mu tempele. Vilimika 18 pamanyuma pake Yesu wakabapatizika, ndipo wakamba kucita mulimo wa kupharazga Ufumu na kusambizga, mulimo uwo Ciuta wakamutuma kuti wazakacite pa caru ca pasi. Yesu wakasankha ŵanalume 12 kuti ŵaŵe ŵapositole ŵake, ŵakuti ŵamovwire kucita mulimo uwu.
Yesu wakacitaso minthondwe yinandi. Wakaryeska ŵanthu ŵanandi na somba zicoko ndiposo vingwa vicoko waka. Wakacizga ŵalwari na kuwuska ŵakufwa. Paumaliro pake tisambirenge vinthu vinandi ivyo vikacitikira Yesu mukati mu mazuŵa ghaumaliro gha umoyo wake, na umo wakakomekera. Yesu wakapharazga kwa vilimika pafupifupi vitatu na hafu, mwantheura CIGAŴA 6 cikutora vilimika pafupifupi 34.
MU CHIGAŴA ICHI
NKHANI NAMBARA 84
Mungelo Wakiza kwa Mariya
Wakaphalira Mariya uthenga wakufuma kwa Chiuta: Kuti waŵenge na mwana uyo wazamuŵa fumu kwa muyirayira.
NKHANI NAMBARA 85
Yesu Wakababikira mu Ciŵaya
Chifukwa wuli munthu uyo wazamuŵa fumu wakababikira mu chiŵaya?
NKHANI NAMBARA 86
Ŵanalume Awo Ŵakalongozgeka na Nyenyezi
Kasi ninjani ŵakalongozga Ŵamagi kwa Yesu? Ungazizwa para ungamanya zgoro lake.
NKHANI NAMBARA 88
Yohane Wakabapatiza Yesu
Yohane wakabatizanga ŵakwananga, kweni Yesu wakaŵa wakwananga yayi. Chifukwa wuli Yohane wakabatiza Yesu?
NKHANI NAMBARA 89
Yesu Wakatozga Tempele
Yesu wakamutemwanga chomene Yehova lekani wakakwiyira ŵanthu awo ŵakaguliskanga vinthu mu tempile.
NKHANI NAMBARA 90
Na Mwanakazi pa Cisimi
Kasi Yesu wakang’anamuranga vichi apo wakaphalira mwanakazi uyu kuti wazamuŵaso na nyota yayi usange wamwenge maji agho wakatenge wamupenge?
NKHANI NAMBARA 91
Yesu Wakasambizga pa Phiri
Kasi Yesu wakasambizga vichi pa upharazgi wake wa pa Phiri?
NKHANI NAMBARA 92
Yesu Wakawuska Munthu Wakufwa
Na nkhongono za Chiuta, Yesu wakayowoya mazgu ghapusu ghaŵiri kuti wawuske mwana Yayiro.
NKHANI NAMBARA 93
Yesu Wakaryeska Ŵanthu Ŵanandi
Kasi tikusambira sambiro wuli lakuzirwa la umo Yesu mwamunthondwe wakaryeskera ŵanthu ŵanandi chomene?
NKHANI NAMBARA 94
Wakutemwa Ŵana
Yesu wakaphalira ŵasambiri ŵake kuti ŵakwenera kusambira vinandi ku ŵana ŵachoko.
NKHANI NAMBARA 95
Umo Yesu Wakasambizgiranga
Ntharika ya Musamariya muwemi njimoza mwa nthowa izo Yesu wakatemwanga kusambizgiranga ŵanthu.
NKHANI NAMBARA 98
Pa Phiri la Olive
Yesu wakuphalira ŵasambiri ŵake ŵanayi za vinthu ivyo vikuchitika mazuŵa ghano.
NKHANI NAMBARA 99
Mu Cipinda ca Pacanya
Chifukwa wuli Yesu wakaphalira ŵasambiri kuti ŵachitenge mugonero chaka chilichose?
NKHANI NAMBARA 101
Yesu Wakakomeka
Pa nyengo iyo wakakhomeka pa khuni lakusuzgikirapo, wakalayizga vya paradiso.
Panji Mungatemwa Kuŵerengaso Nkhani Izi
MAFUMBO AGHO BAIBOLO LIKUZGORA
Kasi Nkhani ya Yesu Yikalembeka Pawuli?
Yesu wati wafwa, kasi pakajumpha vyaka vilinga kuti mabuku gha Makani Ghawemi ghalembeke?
