Мария деп аттыг кайгамчык эки уругже Гаврии́л деп дээрниң төлээзи чоруттунган. Мөңгези-биле башкарар хаан болур төлдүг болурун, ол аңаа дыңнаткан. Ол төл, Иисус, кажаага төрүттүнген, база кадарчылар ону көөр дээш ынаар келген. Сөөлзүредир бир сылдыс чаш төлге Чөөн чүктен кижилерни эдертип эккелген. Ол улуска сылдысты көрүп каар арганы кым бергенин, оон аңгыда Иисусту өлүмден канчаар камгалап алганын билип алыр бис.

Ооң соонда 12 харлыг Иисусту өргээден тып алыр бис, ында ол башкылар-биле чугаалажып олурар. 18 чыл эрткенде Иисус сугга суктурар база ажылынче кириптер, ол дээш Бурган ону черже чоргускан,— суртаалдазын дээш база Чагырга дугайында өөретсин дээш. Бодунга дузалакчылар кылдыр Иисус 12 эр кижилерни шилээш, оларны бодунуң апостолдары кылдыр кылып алган.

Иисус оон аңгыда хөй хуулгаазыннар кылган. Ол каш борбак хлеб-биле база бичии балыктар-биле муң-муң кижилерни чемгерген. Аарыг улусту эмнеп, өлген кижилерни безин диргизип турган. Бо кезектиң төнчүзүнде Иисустуң сөөлгү чурттаан хүнүнүң дугайында, ону канчаар өлүргенин билип алыр бис. Иисус үш чыл чартык хире суртаал ажылын кылып чораан, ынчангаш алдыгы кезекче шупту 34 чыл ажыг үе кирип турар.