XAAJ 6
Yeesu (Isaa), bi mu juddoo ba bi mu deewee
Malaaka mi tudd Jibril lañu yónni ci benn janq ju baax te tudd Maryaama. Nee na ko dina am doom buy nekk buur te di nguuru ba fàww. Yeesu juddu na ci fu ay mala di fanaan. Ay sàmmkat seetsi nañu ko foofu. Ginnaaw loolu, ay góor ñu jóge penku topp nañu benn biddéew bu leen yóbbu ba ci xale bu ndaw bi. Dinañu gis kan moo tax ñu gis biddéew bi ak naka la Yeesu mucce ci ñi ko bëggoon a rey.
Ginnaaw loolu, dinañu gis Yeesu, bi mu amee 12 at, di waxtaan ak jàngalekat yi nekkoon ci kër Yàlla gi. Fukki at ak juróom-ñett ginnaaw loolu, Yeesu sóobu na ci ndox. Mu daldi tàmbali liggéey bi waraloon Yàlla yónni ko ci suuf, maanaam liggéeyu waar nit ñi te jàngal leen lu jëm ci Nguur gi. Yeesu tànn na 12 góor pur ñu dimbali ko ci liggéey boobu, mu def leen ay ndawam.
Yeesu def na itam ay kéemaan yu bare. Jox na lekk ay junniy nit fekk tuuti jën yu ndaw la amoon ak tuuti mburu. Faj na ñi feebar. Dekkal na sax ñi dee. Ci nettali yi mujj ci xaaj bii, dinañu jàng lu bare ci li xewoon ci fanam yu mujj yi ak naka lañu ko reye. Yeesu def na liggéeyu waare bi lu tollu ak ñetti at ak genn-wàll. Kon lépp li ñuy nettali ci XAAJ 6 xewoon na ci lu mat 34 at ak lu ko ëpp tuuti.
IN THIS SECTION
NETTALI 84
Benn Malaaka Seetsi Na Maryaama
Dafa indi xibaar bu jóge ci Yàlla : Maryaama dafa nar a am doom boo xam ne dina nekk buur ba fàww.
NETTALI 85
Yeesu Juddu Na Fu Ay Mala Di Fanaan
Lu tax nit ku nar a nekki buur juddoo fu ay mala di fanaan ?
NETTALI 86
Biddéew Buy Won Ay Góor Seen Yoon
Kan moo yóbbu boroom xam-xam yi ba ci Yeesu ? Tont bi mën na leen bett.
NETTALI 87
Yeesu Ci Kër Yàlla Gi, Fekk Xale La
Dafa am lu yéeme ci moom, ba sax mag ñiy jàngale ci kër Yàlla ga dañu jaaxle.
NETTALI 88
Yaxya Mu Ngiy Sóob Yeesu Ci Ndox
Yaxya dafa doon sóob bàkkaarkat yi, waaye Yeesu masul bàkkaar. Lu tax Yaxya sóob ko ?
NETTALI 89
Yeesu Dafay Sellal Kër Yàlla Gi
Yeesu wone na fasoŋu mbëggeel boo xam ne moo waraloon meram.
NETTALI 90
Mu Ngiy Waxtaan Ak Jigéen Ci Teen
Naka la ndox bi Yeesu di joxe mënee tax ba jigéen ji dootul marati ?
NETTALI 91
Yeesu Mu Ngiy Jàngale Ci Kow Tund
Xoolal naka la xelal yi Yeesu jàngale ci kow tund bi amee njariñ ci bépp jamano.
NETTALI 92
Yeesu Dafay Dekkal Ay Nit Ñu Dee Woon
Yeesu dafa jëfandikoo kàttanu Yàlla, wax ñaari baat yu yomb te dekkal doomu Yayrus bu jigéen bi.
NETTALI 93
Yeesu Jox Na Lekk Ay Nit Ñu Bare
NETTALI 94
Ku Bëgg Xale La
Yeesu jàngal na taalibeem yi ne am na lu bari lu ñu war a jàng, nekkul rekk lu ñu war a jàng lu jëm ci xale yi waaye itam jànge ci xale yi.
NETTALI 95
Ni Yeesu Di Jàngalee
Léebu bi Yeesu joxe, maanaam léebu nit ku baax ki dëkk Samari, benn misaal la ci fasoŋu njàngale bi Yeesu faral di jëfandikoo ngir jàngale.
